NİDA hərəkatının idarə heyətinin həbsdə olan üzvü Rəşadət Axundovun babası, 74 yaşlı İnayət Axundov intihar etməyə cəhd edib.
Bu, onun nəvəsinə qarşı cəzasını ağırlaşdıran yeni ittihamın irəli sürüldüyünü öyrənməsindən sonra baş verib. Yaşlı şəxs damarlarını kəsib, bu barədə Turan-a fəalın doğmaları bildirib.
Hazırda İnayət Axundov Sabunçu xəstəxanasının reanimasiya şöbəsindədir.
Rəşadət Axundov bu ilin mart-aprel aylarında qanunsuz partlayıcı maddə və ya narkotik saxlamaq ittihamı ilə həbs edilmiş 7 NİDA fəalından biridir.
Sentyabrın 12-də onlara və Azad Gənclik hərəkatının üzvü İlkin Rüstəmzadəyə qarşı 220.1-ci (kütləvi iğtişaşlar yaratmaq) maddəsi ilə yeni ittiham irəli sürülüb.
İndi onlar 12 ilədək azadlıqdan məhrum edilə bilər. Bütün gənclər beynəlxalq Amnesty International təşkilatı tərəfindən “vicdan məhbusu” kimi tanınıb. -16В06-
Siyasət
-
Cənubi Kaliforniyada yanvarın 7-də başlamış yanğını lokallaşdırmaq mümkün olmayıb. ABŞ prezidenti Co Bayden genişmiqyaslı təbii fəlakət rejiminin tətbiq edildiyini açıqlayıb.
-
İran yüksək dağlıq ərazidə yerləşən Gilan əyalətində 800 km mənzilli yeni üfüqüstü radar quraşdırıb. O, ölkənin şimal hava məhakının monitorinqi üçün nəzərdə tutulub və İran HHM sisteminə inteqrasiya olunub, xəbəri İranın ISW nəşri yayıb.
-
Milli Şuranın üzvü Cəmil Hacıyev üzərində "Siyasi məhbuslara azadlıq!" yazılmış plakat qaldırarkən polislər onu saxlayıb. Bu, yanvarın 10-da saat 17:00 radələrində Bakı Ağır Cinayətlər Məhkəməsinin qarşısında baş verib.
-
Bakı Ağır Cinayətlər Məhkəməsində 2023-cü ildə Türkiyədə saxlanılmış və Azərbaycana gətirilmiş İstanbul Universitetinin doktorantı, iqtisadçı Fazil Qasımovun işi üzrə proses davam edir.
Rəy yaz