Həbsdə olan NİDAçı Rəşadət Axundovun babası Ənayət Axundov bu gün Mehdiabad qəsəbəsində torpağa tapşırılıb.
Dəfn mərasimində Axundovun doğmaları və yaxınları, vətəndaş cəmiyyətinin fəalları, NİDA hərəkatının üzvləri iştirak ediblər.
Müxalifət liderləri Azərbaycan hakimiyyətini Ə.Axundovun ölümündə ittiham ediblər.
Əvvəllər kənd məktəbinin direktoru olan Ə.Axundov nəvəsinə qarşı yeni ittihamın irəli sürüldüyünü biləndə damarlarını kəsib. O, çoxlu qan itirdiyindən sentyabrın 13-də vəfat edib.
Rəşadət Axundov bu ilin aprel-may aylarında qanunsuz narkotik və partlayıcı maddə saxlamaqda ittiham olunan 7 NİDAçıdan biridir.
Sentyabrın 12-də ona və “Azad gənclik” hərəkatının üzvü İlkin Rüstəmzadəyə qarşı 220.1 maddə (kütləvi iğtişaşların təşkili) ilə yeni ittiham irəli sürülüb.
Hazırda onları 12 ilədək azadlıqdan məhrumolunma cəzası gözləyir. Amnesty International onları “vicdan məhbusu” kimi tanıyır. –16В06--
2013 Sentyabr 13 (Cümə) 23:27:47
Həbsdə olan N!DA Vətəndaş Hərəkatının İdarə Heyətinin üzvü Rəşadət Axundovun babası bir az əvvəl vəfat edib. Əyanət Axundov dünən sevimli nəvəsinin həbs müddətinin uzadılacağını eşitdikdən sonra intihara cəhd etmişdi. Bu xəbəri Amerikanın Səsinə açıqlamada Rəşadət Axundovun xanımı Türkan Hüseynova təsdiq edib.
“Ən böyük nəvəsi olan Rəşadəti 14 yaşınadək o böyütmüşdü,” deyə o, bildirib. Bu yaxınlaradək Rəşadətin tezliklə azadlığa buraxılacağına inanan baba nəvəsinin yeni ittihamla üzləşdiyini və 12 il həbs cəzası ala biləcəyini eşitdikdən sonra damarlarını doğrayıb. Dünən gecə xəstəxanaya çatdırılan 74 yaşlı Əyanət Axundov bu gün axşam saatlarında xəstəxanada dünyasını dəyişib. Həkimlər onun ölümünü çox qan itirməsi ilə izah edirlər. “Səhər özünə gəlmişdi, danışa bilirdi” deyə Türkan Hüseynova günün birinci yarısında Əyanət Axundovla danışdığını bildirib.
Türkan xanım güman edir ki, hələ ki, Rəşadətin babasının ölümündən xəbəri yoxdur. “Yəqin ki, sabah qəzetlərdən oxuyar,” deyə o, Amerikanın Səsinə bildirib.
Siyasət
-
Azərbaycan cüdoçusu Hidayət Heydərov Parisdə keçirilən Olimpiya Oyunlarınd komandamıza ilk qızıl medalı gətirib.
-
Gürcüstanın Miqrasiya Departamenti azərbaycanlı fəal Avtandil Məmmədova siyasi sığınacaq verməkdən imtina edib və Tbilisi Şəhər Məhkəməsi bu qərarı təsdiqləyib. Bu barədə “Turan”a Məmmədovun özü məlumat verib.
-
İyulun 29-da Bakı Apellyasiya Məhkəməsi hakim Həsən Əhmədovun sədrliyi ilə keçmiş diplomat Emin İbrahimov barəsində həbs qətimkan tədbiri seçilməsi barədə qərarından verdiyi şikayəti təmin etməyib.
-
Baş nazir Əli Əsədovun rəhbərlik etdiyi Azərbaycan nümayəndə heyəti İranın yeni seçilmiş prezidenti Məsud Pezeşkiyanın andiçmə mərasimində iştirak etmək üçün iyulun 30-da Tehrana səfər edəcək.
Rəy yaz