İlqar Məmmədova qarşı aydın olmayan ittihamlar

REAL hərəkatının həbsdə olan lideri İlqar Məmmədova qarşı yeni ittiham elan olunub. 

Onun vəkili Fuad Ağayev Turan-a bildirib ki, Azərbaycan dilinin qrammatikası və stilistikası baxımndan bu  ittihamın mənası və mahiyyəti aydın deyil. İ.Məmmədova qarşı heç bir yeni maddə irəli sürülməyib. 220.1 və 315 (kütləvi iğtişaşların təşkili və polisə qarşı müqavimət) maddələri qüvvədə qalır.

Eyni zamanda İ.Məmmədov İsmayıllı hadisələri zamanı cinayət törətmiş şəxs kimi təqdim olunur. Vəkil yaxın vaxtlarda ibtidai istintaqın başa çatacağını gqman edir.  

İ.Məmmədov Kürdəxanıda 1 saylı təcridxanada saxlanılır. O 2013-cü il fevralın 4-də həbs olunub. Yanvarın 23-24-də İsmayıllıda polislə qarşıdurmaya səbəb olan kütləvi iğtişaşların təşkilində ittiham olunur. Əslində İ.Məmmədov İsmayıllıya yanvarın 24-də vəziyyətlə tanış olmaq üçün gedib. 

Avropa İnsan Hüquqları Məhkəməsi aprelin 9-da İ.Məmmədovun həbsi üzrə növbədənkənar kommunikasiyaya başlayıb. Strasburq məhkəməsi bu işlə əlaqədar Azərbaycan hökumətinə bir sıra suallar ünvanlayıb. 

REAL hərəkatı fevralın 5-də İ.Məmmədovun prezidentliyə namizədliyini irəli sürüb. Lakin sentyabrın 13-də MSK onun namizədliyini qeydə almaqdan imtina edib.  0—