Həbsdə olan 8 nəfər NİDAçının valideynləri bazar günü Müsavat Partiyasının mənzil-qərargahında aclıq aksiyasına başlayıblar. Valideynlər prokurorun onların övladlarına 6,5 ildən 8,5 ilədək həbs cəzası istəməsinə etiraz edirlər.
Aclığa Zaur Qurbanlının anası Səkinə Qurbanova, Rəşadət Axundovun anası Mətanət Axundova, Şahin Novruzlunun anası və bibisi Mehbarə Novruzova və Nüşabə Novruzova qoşulub. Güman edilir ki, digər valideynlər də növbə ilə aksiyada iştirak edəcəklər.
Onlar hesab edirlər ki, fəallar günahsızdır və siyasi motivlərlə təqib olunurlar.
Müttəhimlər özləri isə aprelin 17-də Kürdəxanı təcridxanasında aclığı davam etdirirlər.
Gənclər 2013-cü il mart-may aylarında həbs olunublar. Onlar 2013-cü il martın 10-da əsgər ölümlərinə etiraz aksiyasında kütləvi iğtişaşlar hazırlamaqda ittiham olunurlar.
Xatırladaq ki, Amnesty International hüquq-müdafiə təşkilatı müttəhimləri “vicdan məhbusu” adlandırıb.—06D--
Siyasət
-
Hüquq Müdafiə Təşkilatları Monitorinq Qrupunun üzvləri Novella Cəfəroğlu, Səidə Qocamanlı və Səadət Bənanyarlı Jurnalist Şahnaz Bəylərqızının səhhətində mövcüd olan problemlər ilə bağlı narahatlıq bildirərək ,Azərbaycan Respublikasının Prezidenti İlham Əliyevə müraciət edib.
-
Cümə günü, fevralın 7-də Aktauda 25 dekabr 2024-cü il tarixində Azerbaijan Airlines-ın (AZAL) təyyarə qəzasında həlak olanların xatirəsinə həsr olunmuş anım mərasimi keçirilib, xəbəri Tengrinews.kz yayıb.
-
Fevralın 7-də Bakı Apellyasiya Məhkəməsində ictimai fəal Cəlal Cavadovun inzibati qaydada həbsindən verilmiş şikayətə baxılıb.
-
Fevralın 7-də Bakı Məhkəmə Kompleksində Qarabağ separatmılarının liderlərinin işi üzrə proses dava etdirilib. İclasda ittiham aktının oxunması davam etdirilib.
Rəy yaz