Hərbi hissədə baş vermiş yanğın lokallaşdırılıb YENİLƏNİB YENİLƏNİB YENİLƏNİB YENİLƏNİB (YENİLƏNİB)

Müdafiə, Fövqəladə Hallar nazirliklərinin və Baş Prokurorluğun mətbuat xidmətlərinin Müdafiə Nazirliyinin "N" saylı hərbi hissəsində baş vermiş hadisə ilə bağlı əlavə məlumatında bildirilir ki, saat 17 radələrində yanğın lokallaşdırılaraq digər ərazilərə keçməsinin və partlayışların geniş vüsət almasının qarşısı alınıb.

Hazırda Müdafiə Nazirliyinin hərbi hissənin ərazisinə cəlb edilmiş mühəndis-istehkam bölmələrinin, eləcə də Fövqəladə Hallar Nazirliyinin Dövlət Yanğından Mühafizə, Xüsusi Riskli Xilasetmə xidmətlərinin, Mülki Müdafiə Qoşunlarının və Azərbaycan Respublikası Ərazilərinin Minalardan Təmizlənməsi üzrə Milli Agentliyin canlı qüvvələri və müvafiq texnikaları tərəfindən partlama nəticəsində ətrafa səpələnmiş qəlpələrin, ərazidə qalan partlamamış sursatların aşkarlanıb zərərsizləşdirilməsi istiqamətində müvafiq tədbirlər davam etdirilir.

Eyni zamanda, hadisə nəticəsində yüngül dərəcəli bədən xəsarətləri alaraq Siyəzən Regional Müalicə Diaqnostika Mərkəzinə yerləşdirilmiş hərbi qulluqçu olmayan 5 nəfər ilkin tibbi yardım göstərildikdən sonra buraxılıb, digər şəxs isə xəstəxanada müşahidə altında saxlanılır. Onun vəziyyəti sabitdir, həyatı üçün təhlükə yoxdur. Baş vermiş hadisə nəticəsində digər ağır xəsarət alan və yaxud vəfat edən şəxslər olmayıb.

Bundan başqa, Daxili İşlər Nazirliyinin əməkdaşları tərəfindən Bakı-Quba avtomobil yolunda avtomobillərin təhlükəsiz hərəkəti bərpa edilib.

Partlayış yerinə yaxın ərazilərdən təxliyə olunmuş kənd sakinləri artıq daimi yaşayış yerlərinə qaytarılıblar.

* * *

2017 Avqust 27 (Bazar) 19:20:10

Bəzi məntəqələrin əhalisi təxliyə edilirYENİLƏNİB YENİLƏNİB YENİLƏNİB (YENİLƏNİB)

* * *

2017 Avqust 27 (Bazar) 14:56:56

Bəzi məntəqələrin əhalisi təxliyə edilirYENİLƏNİB YENİLƏNİB YENİLƏNİB (YENİLƏNİB)

* * *

2017 Avqust 27 (Bazar) 12:58:29

Bəzi məntəqələrin əhalisi təxliyə edilirYENİLƏNİB YENİLƏNİB (YENİLƏNİB)

Müdafiə Nazirliyinin N saylı hərbi hissəsinin silah anbarında yanğın nəticəsində partlayış baş vermiş əraziyə yaxın Giləzi, Sitalçay və digər yaşayış məntəqələrindəki əhalinin təxliyəsi həyata keçirilib. Xəbəri Müdafiə Nazirliyi yayıb.

Müdafiə Nazirliyinin internet saytı hazırda aidiyyəti qurumlar tərəfindən müvafiq təxirəsalınmaz tədbirlər davam etdirildiyini bildirir.

* * *

2017 Avqust 27 (Bazar) 12:34:29

Yol polisindən xəbərdarlıqYENİLƏNİB (YENİLƏNİB)

Baş Dövlət Yol Polisi İdarəsi avqustun bu gün Müdafiə Nazirliyinin N saylı hərbi hissəsinin silah anbarında baş verən yanğın və partlayışla əlaqədar xəbərdarlıq edib.

İdarə bildirir ki," Xızı rayonu ərazisində yaranmış təhlükə ilə əlaqədar Bakı-Quba avtomobil yolunun 28-ci km-dən, eləcə də həmin yolun Qubadan paytaxt istiqamətinə 78-ci km-dən nəqliyyat vasitələrinin hərəkəti müvəqqəti olaraq tam məhdudlaşdırılıb", idarə bildirir.

İdarə qeyd olunanları nəzərə alaraq sürücülərə həmin istiqamətlərə səfərlərini müvəqqəti olaraq təxirə salmaları müraciəti edir.

Xatırladaq ki, bu gün N saylı hərbi hissəinin silah anbarında yanğın baş verib və partlayışlar törənir. Bununla əlaqədar 10-dan yuxarı təcili yarıdm heyəti hazırda hadisə yerndədir. Müdafiə Nazirliyi yaydığı açıqlamada hadisə ilə bağlı yaralı və itki olmadığını bildirir.

* * *

2017 Avqust 27 (Bazar) 11:15:30

Silah anbarında partlayış və yanğın (YENİLƏNİB)

Hərbi hissənin silah anbarında baş vermiş partlayışla əlaqədar hadisə yerinə 10-dan yuxarı təcili yarıdm ekipajı yola salınıb. Bunu Səhiyyə Nazirliyinin Təcili və təxirəslaınmaz Yadım Stansiyasından (103) bildiriblər.

Stansiyadan verilən xəbərə görə Sumqayıt, Xızı, Şabran, Bakı stnasiyalarının təcil yardım heyətləri hadisə yerindədir , yaralı ola bilməsi ehtimalı ilə heyətlər hadisə yerinə göndəriliblər.

Stansiyadan bunu da əlavə ediblər ki, partlayışla müşayiət olunan yanğın davam etdiyi üçün təcili yardım maşınlarıhələlik əraziyə buraxılmır.

Hərbi hissəyə yaxın ərazilərdə əhalinin yaşayış məntəqələrindən evakuasiya olunması haqda stansiya məlumata malik olmadığnı bildirib.

* * *

2017 Avqust 27 (Bazar) 10:41:18

Silah anbarında partlayış və yanğın

Bu gün Müdafiə Nazirliyinin N saylı hərbi hissəsinin silah anbarında yanğın baş verib. Nəticədə ərazidə partlama müşahidə olunub. Hadisənin səbəblərinin öyrənilməsi və müvafiq təhlükəsizlik tədbirlərinin həyata keçirilməsi məqsədilə aidiyyəti strukturların nümayəndələrindən ibarət qrup hadisə yerindədir.

İndiyə olan məlumata görə həlak olan və xəsarət alan yoxdur, deyə Müdafiə Nazirliyinin mətbuat xidməti bildirir.

Hadisənin hansı ərazidə baş verməsi bildirilmir. -0--