Hidayət Əzimov müdafiə sənayesi nazirinin müavini təyin edilib
Prezident İlham Əliyevin sərəncamı ilə Hidayət Əzimov ölkənin müdafiə sənayesi nazirinin müavini təyin edilib, bu barədə adı çəkilən qurumdan bildiriblər.
Dünən dövlət başçısı Yəhya Musayevi müdafiə sənayesi nazirinin müavini vəzifəsindən azad edib.
Xatırladaq ki, iki ay əvvəl dövlət başçısı müdafiə sənayesi nazirini də dəyişdirib, bu vəzifəyə Mədət Quliyevin yerinə Vüqar Mustafayevi təyin edib.
Əzimov 1985-ci ildə Bakıda anadan olub. Bakı Dövlət Universitetinin hüquq fakultəsini bitirib.
Müxtəlif hüquq firmalarında işləyib, Atəşgah sığorta şirkətinin idarə heyətinin sədr müavini olub. 2018-2022-ci illərdə Azərbaycanda beynəlxalq Ernst&Young CIS B.V şirkətinin hüquq xidmətinə rəhbərlik edib.
2022-ci ildən Dövlət Ehtiyatları Agentliyinin idarə heyətinin sədr müavini vəzifəsində çalışıb.
2018-ci ildən etibarən Vəkillər Kollegiyasının üzvüdür.
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz