Bakı/19.08.22/Turan: Cümə günü Brüsseldə Azərbaycan Prezidentinin beynəlxalq əlaqələr üzrə köməkçisi Hikmət Hacıyevlə Ermənistan Təhlükəsizlik Şurasının rəhbəri Armen Qriqoryan arasında görüş keçirilib.
Bu barədə Aİ-nin Cənubi Qafqaz üzrə xüsusi nümayəndəsi Toivo Klaar öz Twitter hesabında yazıb.
“Bu gün Brüsseldə Hikmət Hacıyev və Armen Qriqoryan arasında Avropa İttifaqının iştirakı ilə Ermənistan-Azərbaycan münasibətlərinə dair yaxşı və mənalı danışıqlar aparılıb”, - Toivo Klaar yazıb.
Müzakirə mövzusu bildirilmir. Bundan əvvəl Avropa Şurasının rəhbəri Şarl Mişel İlham Əliyev və Nikol Paşinyanın iştirakı ilə növbəti görüşə hazırlaşdığını bildirmişdi.
Ola bilsin ki, bugünkü görüş qarşıdan gələn sammitə hazırlıq xarakteri daşıyırdı. -02B-
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz