"Birgəyaşayış yerini niyə zorakılıq görən şəxs tərk etməli olur?"

Bakı/18.08.22/Turan:  Avqustun 19-da "Qadın üçün"  təşəbbüsünün təşkilatçılığı ilə "Birgəyaşayış yerini niyə zorakılıq görən şəxs tərk etməli olur?" tədbir keçirib.

Tədbir iştirakçıları bildirib ki, məişət zorakılığa məruz qalan qadınlar zorakılıq yerindən yalnız ölüm təhlükəsi ilə üz-üzə qalanda çıxır. Onlar hesab edir ki, bunun səbəbi iqtisadi asılılıqdır. Digər tərəfdən qadınlar uşaqlarla şantaj olunurlar. 

Tədbir iştirakçıları qeyd edib ki, zorakılıq qurbanları evi tərk edəndən sonra ev və ya sığınacaqla, işlə təmin edilməsi, uşaqların məktəbə, bağçaya göndərilməsi onlar üçün ciddi problemə çevrilir.

Onlar qeyd edib ki, iqtisadi asılılığı olan qadınlar dövlət dəstəklə əhatə olunmalıdır, amma qanunvericilikdə belə qadınlar üçün müavinət nəzərdə tutulmur, həm də aidiyyatlı qurumlar işlə demək olar ki, təmin edilmir. İştirakçıların sözlərinə görə, ölkə qanunvericiliyi daha təkmilləşdirilməlidir və bunun üçün İstanbul Konvensiyana qoşulması çox vacibdir. Həm də hazırda yalnız məişət qurbanları ilə bağlı qanun var, amma küçədə və ya kiber məkanında zorakılıqla üzləşən qadınlar üçün ayrıca qanun yoxdur. 

Onlar hesab edir ki, zorakılıq qurbanları üçün vahid qurum yararmaq lazımdır. Çünki hazırda bu məsələlərlə həm polis, həm icra hakimiyyətləri, həm Ailə, Qadın və Uşaq Komitəsi, həm də digər qurumlar məşğul olur ki, qurban müxtəlif qapıları döymək niyyətindədir. 

Tədbir iştirakçıları zorakılıq qurbanların psixoloji yardımla təmin etmək lazım olduğunun vacibliyini vurğulayıblar. Həmçinin qurbanlar üçün nəzərdə tutulmuş mühafizə orderini verən o qurum olmalıdır ki, 24 saat işləyir. Çünki hazırda bununla məşğul olan icra hakimiyyətləri həftədə 5 gün 09:00-18:00 rejimində işləyir. 

Tədbirdə qadın hüquq müdafiəçisi Zümrüd Yağmur, hüquqşünas Vəfa Rüstəm, vəkil Rövşanə Rəhimli, feminist fəal Gülnara Mehdiyeva və sosial işçi Afaq Aqil iştirak edib. -0-