Seyid Abbas Mousavi and Hikmet Hajiyev
Bakı/14.09.21/Turan: Sentyabrın 13-də Azərbaycan prezidentinin köməkçisi Hikmət Hacıyev İranın Azərbaycandakı səfiri Seyid Abbas Musəvi ilə görüşüb.
“Biz gündəlikdəki ikitərəfli məsələlər üzrə səmərəli müzakirələr apardıq və gələcək perspektivləri nəzərdən keçirdik”, - Hacıyev söhbətin yekunları ilə bağlı öz Twitter hesabında yazıb.
“Azərbaycan prezidentinin köməkçisi ilə görüşdən məmnunam. İkitərəfli əlaqələrimizin inkişafını və ümumi maraq doğuran məsələləri müzakirə etdik”, - Musəvi də öz Twitter hesabında yazıb.
Baxmayaraq ki, tərəflər görüşün detallarını açıqlamır, görünür, danışıqlar zamanı İranın yük avtomobillərinin Qarabağa qanunsuz yüklər daşıması ətrafında vəziyyət müzakirə edilib.
Azərbaycan daşımalara nəzarət etmək üçün sentyabrın 12-dən Azərbaycandan keçən və Gorus-Qafan yolu ilə gedən İran avtomobillərinin yoxlanışını və onlardan gömrük rüsumunun tutulmasını həyata keçirməyə başlayıb.—06D-
Siyasət
-
Azərbaycanın xarici işlər naziri Ceyhun Bayramov, Türkiyənin Bolu vilayətinin Kartalkaya dağ-xizək kurortunda mehmanxanada baş vermiş faciəvi yanğından sonra, bazar ertəsi Türkiyənin xarici işlər naziri Hakan Fidana başsağlığı verib.
-
Yanvarın 22-də Səbail Rayon Məhkəməsində “dövlətə xəyanətdə” təqsirləndirilən gənc tədqiqatçı Bəhruz Səmədovun ev dustaqlığına buraxılması ilə bağlı vəsatətə baxılıb.
-
Yanvarın 22-də vəkil Zibeydə Sadıqova 1 saylı Bakı İstintaq Təcridxanasında jurnalist Fərid İsmayılova baş çəkib. İsmayılov yanvarın 17-də “Toplum” TV-nin işi üzrə həbs edilib. O, istintaqa hələ 2024-cü ilin martında cəlb edilib. O zaman polis nəzarətinə verilmişdi.
-
Fevralın 3-də Bakı Ağır Cinayətlər Məhkəməsində ictimai fəal Nicat İbrahimin işi üzrə proses başlayacaq. Bu qərarə çərşənbə günü hazırlıq iclasında hakim Aygün Qurbanova qəbul edib.
Rəy yaz