Hilal Əsədov MDB xüsusi xidmətlərinin görüşündə Azərbaycanı təmsil edir

Oktyabrın 28-də Bakıda MDB iştirakçısı olan dövlətlərin təhlükəsizlik orqanları və xüsusi xidmətləri rəhbərləri Şurasının 39-cu iclası açılıb.

Elə həmin gün Novo-Oqarevoda MDB xüsusi xidmətlərinin rəhbərlərini RF prezidenti Vladimir Putin qəbul edib. O bildirib ki, dünyada heç bir dövlət təkbaşına terrorizmə qarşı səmərəli mübarizə apara bilməz, xəbəri TASS yayıb.

“Bu gün heç kim mütəşəkkil cinayətkarlığa, terrorizmə qarşı təkbaşına səmərəli mübariz apara bilməz”, deyə dövlət başçısı qeyd edib.

“Dünyada təhlükələrin azalmadığını” deyə prezident qeyd edib ki, vəziyyət, əksinə, daha da çətinləşir: ənənəvi təhlükələrə yeniləri əlavə olunur. Xüsusən, Putin Əfqanıstanda və Yaxın Şərqdə çətin vəziyyətə diqqət çəkib.

“Sizin xidmətlərinizin səmərəli işi olmadan dövlətlərimiz inkişaf edə bilməz”, deyə RF prezidenti bildirib. O, Birliyin təhlükəsizlik orqanları rəhbərlərinin görüşünü və onların işinin əlaqələndirilməsini həddindən artıq mühüm adlandırıb, habelə bu əlaqələndirmənin səmərəliliyini artırmaq zərurətini qeyd edib.

“Görüşdə MDB ölkələri ərazisində anti-terror fəaliyyətinin əsas aspektləri və Suriya və Əfqanıstanda terrorçu təşkilatlara və qruplara qarşı mübarizə məsələləri müzakirə olunacaq”, deyə bir müddət əvvəl Kremlin mətbuat xidməti bildirmişdi.

Rusiya prezidenti ilə görüşə bütün Ukraynadan başqa MDB ölkələrinin nümayəndələri gəlib.

TASS-ın məlumatına görə, Azərbaycan müşavirədə milli təhlükəsizlik nazirinin müavini Hilal Əsədov təmsil edir. -0-