Bakı/18.08.18/Turan: Müxalifətçi İlqar Məmmədovun həbsdən buraxılması sevindirici haldır. Lakin bu, şərti azadlıqdır və İlqar Məmmədovun azadlıqlarına beynəlxalq normalarla əsassız məhdudiyyətlər qoyulur. Bu fikri Human Rıghts Watch təşkilatının (HRW) Avropa və Mərkəzi Asiya bölümünün direktor müavini Giorgi Qogia "Amerikanın səsi" radiosunun Azərbaycan xidmətinə müsahibəsində söyləyib.
G.Qogiyanın fikrincə, onun məhkumluğu dərhal üzərindən götürülməlidir və hərəkət etmək, ya da siyasi fəaliyyətinə məhdudiyyət kimi hər hansı bir məhdudiyyət aradan qaldırılmalıdır.
O qeyd edib ki, İlqar Məmmədov qanunsuz həbs edilən yeganə şəxs deyil.
"Azərbaycanda hökumətin tənqidçilərinə qarşı amansız təqiblər nəticəsində onlarla hüquq müdafiəçisi, siyasi fəal və jurnalist həbs edilib. Mehman Hüseynov, Əfqan Muxtarlı və həbsdə olan digər çox sayda insan var. Onlar ya jurnalist, ya da siyasi fəaliyyətinə görə əziyyət çəkirlər",-G.Qogiya vurğulayıb.
HRW hesab edir ki, Azərbaycanın beynəlxalq tərəfdaşları ölkə hakimiyyətini onların dərhal azad edilməsinə çağırmalıdır.06d--
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz