![Human Rights Watch dünyada insan hüquqları haqqında hesabat yayıb](https://turan.az/resized/750/500/resize/media/2014/main/012100066131.jpg)
Human Rights Watch dünyada insan hüquqları haqqında hesabat yayıb
2013-cü ildə Azərbaycanda insan hüquqları, ifadə azadlığı sahəsində vəziyyət daha da pisləşib. 2013-cü ilin oktyabrında prezident seçkiləri ərəfəsində bu sahədə vəziyyət faciəvi xarakter alıb. Bu barədə HRW-nin dünya üzrə hesabatının Azərbaycana aid hissəsində deyilir.
Hesabatda qeyd edilir ki, Azərbaycan hakimiyyəti onlarla siyasi fəalı, tənqidçi jurnalisti saxta ittihamlarla həbs edib, vətəndaşların fundamental azadlıqlarını məhdudlaşdıran qanunlar qəbul edib. Bütün bunlar İlham Əliyevin 84,5% səslə üçüncü müddət üçün prezident seçilməsi fonunda baş verib.
Bu təşkilatın Cənubi Qafqaz üzrə tədqiqatçısı Georgi Qogia qeyd edir ki, ötən il Azərbaycan hakimiyyəti fəaliyyətini tənqid edənlər barəsində misli görünməmiş tədbirlər görüb.
Belə ki, 2013-cü ildə Azərbaycan hakimiyyəti 23 siyasi fəal, jurnalist, bloger və hüquq müdafiəçisinə qarşı narkotik, silah saxlamaq, xuliqanlıq və hətta satqınlıq kimi saxta ittihamlar irəli sürüb.
HRW hesab edir ki, hakimiyyət onları azad etməli və insanların siyasi əqidələrinə görə təqibinə son qoymalıdır. Hesabatda Seçkilərin Monitorinqi və Demokratiyanın Tədrisi Mərkəzinin rəhbəri Anar Məmədlinin, ReAl lideri İlqar Məmmədovun, Müsavat Partiyasının sədr müavini Tofiq Yaqublunun və başqalarının adları çəkilir.
Hesabatda parlamentin bu yaxınlarda qanunlara qəbul etdiyi məhdudlaşdırıcı düzəlişlər də xatırladılır.
Azərbaycan hakimiyyəti Azərbaycanın beynəlxalq imicinə görə narahatdır, lakin ilk növbədə özləri insan hüquqları sahəsində öhdəliklərini yerinə yetirməlidirlər. Rəsmi Bakı öz öhdəliklərini yerinə yetirmək istəyirsə, insan hüquqlarına üstünlük verməlidir, deyə hesabatda bildirilir. -16D04-
Siyasət
-
Aİ prezidenti Çarlz Mişelin keçmiş diplomatik müşaviri Maqdalena Qrono Aİ-nin Cənubi Qafqaz üzrə yeni xüsusi nümayəndəsi təyin edilib.
-
İyulun 16-da Azərbaycanın energetika naziri Pərviz Şahbazov İsrailin regional əməkdaşlıq naziri David Amsalemi qəbul edib.
-
Qazaxıstan Respublikasında keçirilən "Birləşdik - 2024" beynəlxalq əməliyyat-taktiki komanda-qərargah təlimi başa çatıb.
-
1 saylı Bakı İstintaq Təcridxanasında saxlanılan İstanbul Universitetinin doktorantı Fazil Qasımov 33 gündür “qanunsuz həbsinə” etiraz olaraq aclığı davam etdirir. O, yalnız su qəbul edir.
Rəy yaz