![Human Rights Watch: Əkrəm Əylisliyə qarşı təqiblərə son qoyulsun](https://turan.az/resized/media/2013/main/021200028114-750-500-resize.webp)
Human Rights Watch: Əkrəm Əylisliyə qarşı təqiblərə son qoyulsun
Azərbaycan hökuməti yazıçı Əkrəm Əylisliyə qarşı təqib və qorxu kampaniyasına dərhal son qoymalıdır. Human Rights Watch hüquq-müdafiə təşkilatı bəyan edib.
Xarici hökumətlər və Azərbaycanın üzv olduğu hökumətlərarası təşkilatlar bu kampaniyanın əleyhinə çıxmalı və hakimiyyəti Əylislini ünvanına hədələri dərhal araşdırmalı, fikir azadlığına hörmətlə yanaşmalıdır.
“Azərbaycan hakimiyyəti Əkrəm Əylislini müdafiə etməlidir”, - təşkilatın Avropa və Mərkəzi Asiya üzrə direktoru Hyu Uilyamson deyib. “Bunun əvəzinə obu qorxutmaq üçün səyləri artırırlar”, - o qeyd edib.
Fevralın 11-də hökumətyönlü Müasir Müsavat Partiyasının lideri Hafiz Hacıyev açıq şəkildə bəyan edib ki, Ə.Əylislinin qulağını kəsən adama 10 min manat verəcək.
“Azərbaycan hakimiyyəti bunu dərhal araşdırmalı, Əylisliyə hədə-qorxu gələnləri məsuliyyətə cəlb etməlidir, onun şəxsi təhlükəsizliyini təmin etməlidir”, - Uilyamson vurğulayıb.
Bu fonda Prezident Administrasiyasının nümayəndəsi Əli Həsənov bildirib ki, Azərbaycan xalqı, ictimaiyyət Əylisliyə nifrətini bildirməlidir.
Bu təqiblərin nəticəsində Əylislinin həyat yoldaşı və oğlu işdən çıxarılıb.
“Oğlumun siyasətlə əlaqəsi olmayıb. Əslində o, hər zaman mənə tövsiyə edib ki, siyasət barədə yazmayım, mənim siyasi baxışlarımla razılaşmayıb”, - Əylisli bildirib.
“Azərbaycan hökuməti ifadə azadlığının təminatı ilə bağlı öz beynəlxalq öhdəliklərinə məhəl qoymur”, - Uilyamson qeyd edib. “Bunun azərbaycanlı məmurların ölkədəki insan hüquqlarının durumunu bəyan etmək üçün Strasburqda toplaşmasından sonra baş verməsi şoka salır”, - Uilyamson bildirib.-02D-
-
- Cəmiyyət
- 12 Fevral 2013 13:46
-
- İqtisadiyyat
- 12 Fevral 2013 13:55
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz