![Büdcədənkənar təşkilatlar DSMF-nin ötən ilki ziyanını ödəyib](https://turan.az/resized/./turan-750-500-resize.webp)
- İqtisadiyyat
- 12 Fevral 2013, 13:55
- 110
Büdcədənkənar təşkilatlar DSMF-nin ötən ilki ziyanını ödəyib
Büdcədənkənar sektordan mədaxil DSMF-nin ötən ilki ziyanını ödəyib. Təşkilatın rəhbəri Səlim Müslümov Fondun kollegiyasında bildirib ki, 2012-ci ilin yekununda icbari sığorta vasitəsilə köçürülən 877 mln manat 22,1% və ya 159 mln manat artım deməkdir. Bu, plandan artıq ən yüksək göstəricidir. Plandan artıq mədaxil 90,7 mln manat kəsiri ödəyib. Bundan başqa, bu vəsaitlər hesabına 23 mln manat kassa qalığı yaranıb.
Ötən il DSMF-nin büdcəsinin profisiti 18 mln manat olub (gəlirlərin 0,7%-i). Fondun ötən ilki gəlirləri 2 mlrd 475 mln manat 2011-ci illə müqayisədə (+17%) təşkil edib.
İcbari sosial sığorta üzrə Fonda mədaxil 16% artaraq 1 mlrd 424 mln manata çatıb. Dövlət büdcəsindən 2012-ci ildə 1 mlrd 44 mln manat transfert edilib.
Rəsmi məlumata görə, ötən il Fondun xərcləri 2 mlrd 457 mln manat olub. Pensiya və müavinət xərcləri 2 mlrd 404 mln manat (+16,3%) təşkil edib.
Xatırladq ki, DSMF-nin gəlir və xərcləri 2012-ci ildə 2 mlrd 454,3 mln manat səviyyəsində təsdiqlənib.
Kütləvi ödənişlərin mərkəzləşdirilmiş informasiya sisteminə fərdi məlumatların daxil edilməsi sürətlənir. Bu il yanvarın 1-i üçün Fondun 36 yerli orqanına 223 712 sığortaçı barədə məlumat daxil edilib.
2012-ci ildə 300 min sığorta olunan qeydiyyata alınıb. DSMF-nin məlumat bazasında 1 mln 292 min pensiyaçı və 1 mln 800 min icbari sosial sığorta ödəyicisi barədə məlumat var. --17D—
-
- Siyasət
- 12 Fevral 2013 13:51
-
- İqtisadiyyat
- 12 Fevral 2013 14:15
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz