Yanvarın 21-də Berlində Almaniya kansleri Angela Merkel prezident İlham Əliyevlə görüşəcək. Görüş zamanı Merkel həbsdə olan hüquq müdafiəçilərinin və Azərbaycan hakimiyyəti tənqid edən digər şəxslərin azadlığa buraxılmasını İ.Əliyevdən tələb etməlidir. Bu barədə Human Rights Watch təşkilatının Turan-a daxil olan 20 yanvar tarixli məlumatında deyilir.
Gözlənildiyi kimi, Merkel və Əliyev ikitərəfli münasibətləri, energetika və başqa məsələləri müzakirə edəcəklər.
“Merkel bu imkanı qaçırmamalı və İlham Əliyevi vətəndaş cəmiyyətinin sıxışdırılmasına son qoymağa çağırmalıdır”, - HRW-nin Avropa və Asiya üzrə direktoru Hyu Vilyamson bildirib.
“Hökuməti tənqid edənlərə qarşı ittihamlar siyasi motivlidir və Merkel onların azad edilməsinə nail olmalıdır. O, açıq şəkildə deməlidir ki, əgər hüquq müdafiəçiləri və fəallar azad edilməsələr Almaniya Bakıya Avropa Oyunlarına öz rəsmi nümayəndə heyətini göndərməyəcək”, - Vilyamson vurğulayıb.
Bəyanatın sonunda Merkelin barəsində danışmalı olacağı şəxslərin adları açıqlanır: Leyla Yunus, Arif Yunus, Rəsul Cəfərov, İntiqam Əliyev, Xədicə İsmayılova, Anar Məmmədli, İlqar Məmmədov.-02D-
Siyasət
-
Jurnalist Şahnaz Bəylərqızının həbsindən apellyasiya şikayəti verilib. Bu barədə cümə günü Turan agentliyinə onun vəkili Bəxtiyar Hacıyev bildirib.
-
Fevralın 6-da Vaşinqtonda Ermənistanın baş naziri Nikol Paşinyan ABŞ-ın vitse-prezidenti Ceyms Vensla görüşüb.
-
Dövlət başçısının 7 fevral tarixli sərəncamı ilə Anar Əliyev əmək və əhalinin sosial müdafiəsi naziri təyin edilib. Bundan əvvəl nazir müavini olub.
-
Azərbaycanın “Azel” TV saytının rəhbəri, Bakının sorğusu əsasında Gürcüstanda həbs edilmiş Əfqan Sadıqov fevralın 2-də başladığı quru alcığı fevralın 6-da dayandırıb. Lakin əvvəlkitək yeməkdən imtina edir və ancaq su içir. Onun aclığı 142 gündür ki, davam edir, fevralın 7-də xanımı Sevinc Sadıqova Turan agentliyinə bildirib.
Rəy yaz