Hüquq müdafiəçiləri iqtidarı siyasi məhbusları azad etməyə çağırdılar

AŞPA-nın payız sessiyasında iştirak etmiş insan haqları üzrə Monitorinq Qrupu bazar ertəsi Qadın Hüquqlarını Müdafiə Cəmiyyətinin ofisində sessiyanın nəticələrinə dair mətbuat konfransı keçirib. 

Hüquq müdafiəçisi Novella Cəfəroğlu siyasi məhbus anlayışını əhatə edən meyarların qəbul olunmasını önəmli hadisə adlandırıb. Azərbaycanda siyasi məhbus məsələsi üzrə xüsusi məruzəçi Ştrasserin hesabatı ilə qəbul edilən bu meyarların Avropa Şurasının bütün dövlətlərinə şamil olunduğu qeyd edilib. “Bu baxış daha ədalətlidir, çünki siyasi məhbus təkcə Azərbaycanda yox, AŞ üzvü olan bütün dövlətlərdə var və hamısı da azad olunmalıdır”, - deyə hüquq müdafiəçisi meyarların qəbul edilməsinə münasibət ifadə edib. 

K.Ştrasser siyasi məhbus məsələsinin çox dövlətləri əhatə etdiyi üçün bu məsələ ilə bağlı xüsusi qrup və qurum yaradılmasını təklif edib. Monitorinq Qrupunun bu mövqeyi dəstəklədiyi vurğulanıb. 

Daha sonra hüquq müdafiəçiləri hakimiyyətə 2013-cü ilin yanvarına kimi siyasi məhbusları azad etmək çağırışı səsləndiriblər. AŞPA-nın 2013-cü il yanvar sessiyasında Azərbaycan üzrə xüsusi məruzəçilərin və K.Ştrasserin siyasi məhbus məsələsi üzrə məruzəsinin müzakirəyə çıxarılacağı xatırladılıb. Sessiyada Azərbaycan üçün xoşagəlməz hal yaranmaması üçün qalan müddət ərzində siyasi məhbusların azad olunmasının zəruriliyi vurğulanıb. 

Sessiya ehtimal edilən siyasi məhbusun bu ada uyğunluğunu Avropa Məhkəməsinin müəyyən etməsi düzəlişinə səs verməyib. Səslər lehinə və əleyhinə 89/89 olaraq bərabər bölünüb. Beləliklə, ehtimal edilən şəxsin siyasi məhbus sayılıb-sayılmaması yerli hüquq-müdafiə qurumlarının vəzifəsi olaraq qalıb. Bu məsələdə postsovet ölkələri, Türkiyə və s. düzəlişin əleyhinə səs veriblər. Hüquq müdafiəçiləri AŞPA-dakı bu hadisələri insan haqlarının AŞPA-nın prioritetinə dönməsi, buna əməl etməyən dövlətlərin ciddi sınaq qarşısında qalacaqları kimi şərh ediblər. 

Azərbaycan zabiti Ramil Səfərovun məsələsinin müzakirəsində Azərbaycan deputat nümayəndə heyətinin zabitin müdafiəsinə cavablarını hüquq müdafiəçiləri müsbət sayıblar. Bu müzakirələrdə həm də BMT səviyyəsində qətnamələr olmasına baxmayaraq, Ermənistan tərəfin işğal etdiyi torpaqlardan hələ çıxmaması da xüsusi vurğulanıb. 

Yaydığı videolarla son günlər Azərbaycanın ictimai rəyində yer alan keçmiş rektor Elşad Abdullayev hüquq müdafiəçilərilə Strasburqda görüşüb. E.Abdullayev 2003-cü ildə qardaşının oğurlanmasının araşdırılmasında hüquq müdafiəçilərinin yardımçı olmalarını istəyib. Hüquq müdafiəçiləri bu işin araşdırılması üçün respublika prokurorluğuna müraciət edəcəkləri vədi veriblər. -05C-  

 

Rəy yaz

Siyasət

Navalnının ölümü dünyada hansı daşları tərpədəcək? – Rauf Mirqədirov Çətin sualda



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti