Oktyabrın 9-u saat 11.30-da Şirvan Apellyasiya Məhkəməsində hüquq müdafiəçisi Taleh Xasməmmədovun apellyasiya şikayətinə baxılması davam edəcək. Bu barədə Turan-a vəkil Əsabəli Mustafayev bildirib.
* Xasməmmədov 2011-ci ilin noyabrında həbs edilib və bu il aprelin 20-də Göyçay rayon məhkəməsi tərəfindən 221.3 (xuliqanlıq) və 315.1 (polisə müqavimət göstərmə) maddələri ilə 4 il müddətinə azadlıqdan məhrum edilib.
Xasməmmədov hesab edir ki, ona qarşı ittiham Ucar polisinin rəhbərliyi tərəfindən saxtalaşdırılıb. Buna səbəb onun yerli polisin narkotik biznesi və insan alveri ilə məşğul olan cinayətkar sindikatla əlaqələri haqqında nəşrlərinə görə saxta ittihamla həbs edilmiş jurnalist Fuad Hüseynovun hüquqlarını müdafiə etməsi olub.
Vəkil Mustafayev həmçinin bildirib ki, çərşənbə axşamı saat 11.30-da Bakı Apellyasiya Məhkəməsində digər fəal İlqar Rzayevin apellyasiya şikayətinə baxılacaq.
O, 31 avqust 2012-ci ildə qanunsuz narkotik saxlamaq ittihamı ilə 2 il müddətinə azadlıqdan məhrum edilib.
O, aprelin 22-də Bakıda müxalifətin mitinqində hakimiyyəti kəskin şəkildə tənqid edən Şirinbacı Rzayevanın oğludur. Rzayev özü Sülh və Demokratiya İnstitutunun könüllüsü idi. Rzayevlər ailəsi Mirzağa Əliyev küçəsində evlərinin sökülməsinə etiraz edib və sonda məcburi qaydada evindən çıxarılıb. -06B-
Siyasət
-
Dekabrın 28-də fəal Bəxtiyar Hacıyevin işi üzrə prosesdə dövlət ittihamçısı onun 11 il azadlıqdan məhrumetmə cəzasına məhkum edilməsini istəyib. Müdafiə tərəfi bununla razı deyil və fəala bəraət verilməsində israr etmək niyyətindədir. Növbəti iclas yanvarın 6-na təyin edilib.
-
Dekabrın 25-də AZAL-a məxsus təyyarə qəzasını araşdırmaq üçün türkiyəli ekspertlərdən ibarət istintaq qrupu Bakıya gəlib.
-
Cümə günü Birləşmiş Ştatlar demokratiya xələl gətirdiyinə görə gürcü milyarder Bidzina İvanişviliyə - ölkənin faktiki liderinə qarşı sanksiyalar tətbiq edib. Sanksiyalar İvanişviliyə məxsus olan bütün Amerika aktivlərini dondurur, bu barədə cümə günü ABŞ Dövlət Departamentinin və Maliyyə Nazirliyinin nümayəndələri jurnalistlərə bildiriblər. Yeni tədbirlərlə İvanişviliyə məxsus olan qurumların iştirakı ilə həyata keçirilən tranzaksiyalar da dayandırılacaq. Xəbəri Turan-ın müxbiri verib. Dövlət katibi Entoni Blinken bildirib ki, İvanişvili və onun partiyası "Gürcüstanın Avroatlantik gələcəyinə mane olaraq" onu "Gürcüstan ərazisinin 20 faizindən çoxunu işğal altında saxlamaqda davam edən" Rusiya qarşısında müdafiəsiz qoyub.
-
Çeçenistan, Baki-Qroznı marşrutu üzrə hərəkət edən Embraer 190 təyyarəsinin qəzaya uğraması ilə əlaqədar 28 dekabr tarixində matəm günü elan edəcək. Çeçen lideri Ramzan Kadırov tərəfindən imzalanmış fərman yerli "Çeçenya Today" xəbər agentliyi tərəfindən bildirilib.
Rəy yaz