Qobustan həbsxanasında saxlanılan ömürlük siyasi məhbuslar -OMON (Xüsusi Təyinatlı Milis (Polis) Dəstəsinin) döyüşçüləri Səfa Poladov və Arif Kazımovun yaxınları onların azadlığını istəyir.
Reportyorların Azadlıq və Təhlükəsizlik İnstitutunun mətbuat mərkəzində bu gün keçirilən mətbuat konfransında İnsan Hüquqları Klubunun direktoru Rəsul Cəfərov bildirib ki, 17 ildir Qobustan həbsxanasında cəza çəkən iki keçmiş OMON-çunun azadlığa buraxılması üçün prezidentə əfvlə bağlı yeni müraciət hazırlanır.
Onun sözlərinə görə, Kazımov və Poladovun adları hələ ABŞ Dövlət Departamentinin, Avropa Şurasının ilk siyasi məhbuslar siyahısına daxil edilmişdi. Dövlət Departamenti, beynəlxalq təşkilatlar onları azad etməyə çağırıb, məhbuslar özləri və valideynləri də dəfələrlə onların əfv olunması çağırışı ilə prezidentə müraciət ediblər.
Eyni zamanda, məhbusların Avropa İnsan Hüquqları Məhkəməsinə müraciəti var.
Kazımovun və Poladovun hüquqlarını müdafiə komitəsiniin üzvü Əlişir Əhəd xatırladıb ki, onlar 1995-ci il “OMON” hadisələrinə görə həbs olunaraq ömürlük həbsdə məhkum ediliblər və hazırda Qobustan həbsxanasında cəza çəkirlər. Baxmayaraq ki, onlar hələ də özlərini günahkar bilmirlər.
Mart hadisələri 1995-ci il martın 13-də Qazaxda başlayıb. Həmin gün XTPD-nin Qazax bölməsinə hücum olunub və qanlı döyüş baş verib. Bununla da mart hadisələrinin əsası qoyulub. Martın 16-dan 17-nə keçən gecə isə paytaxtın 8-ci kilometr qəsəbəsindəki “OMON” qərargahı yaxınlığında başlanan atışmada rəsmi statistikaya görə 22 hərbiçi, 7 mülki şəxs, 1 polis əməkdaşı həlak olub, 8 XTPD əməkdaşı öldürülüb. Hadisə nəticəsində 105 nəfər yaralanıb. XTPD rəhbəri Rövşən Cavadov isə aldığı güllə yarasından DİN-in hospitalında vəfat edib. Onun qardaşı Mahir Cavadov gizlənməyə müvəffəq olub və hazırda o, Avstriyada mühaciərtdədir.
Mart hadisələrinə görə onlarla insan həbs edilib və uzunmüddətli cəzalar alıb.
Sonradan onların əksəriyyəti əfv edilib.
Hazırda həbsxanalarda 1995-ci il mart hadisələri, 1994-cü il dövlət çevrilişinə cəhd və 1990-cı illərin ortalarında bu kimi digər işlərlə əlaqədar ömürlük həbs edilmiş 19 məhbus saxlanılır. Onlar hüquq müdafiəçiləri tərəfindən siyasi məhbus kimi tanınır. -16C06-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz