![Hüquqşünaslar : İlham Əliyevin növbəti beşilliyə ölkəyə rəhbərlik etməyə haqqı yoxdur](https://turan.az/resized/750/500/resize/media/2013/main/100700052576.jpg)
Hüquqşünaslar : İlham Əliyevin növbəti beşilliyə ölkəyə rəhbərlik etməyə haqqı yoxdur
Azərbaycan hüquqşünasları ölkə ictimaiyyətinə müracətində seçiciləri seçkiyə qatılmağa və hakimiyyətə yox deməyə səsləyiblər.
Turana daxil olan müraciətdə deyilir:
“Təəssüf ki, son illər ölkədə keçirilən bütün seçkilər kimi bu seçki də azad və ədalətli sayıla bilməz. Fundamental insan haqlarının və azadlıqlarının kobud şəkildə pozulması, qanunların bu haqların ziyanına sərtləşdirilməsi, hakimiyyətlə müqayisədə demokratik düşərgənin təmsilçiləri üçün qeyri-bərabər imkanların yaradılması, dövlətin maliyyə və digər resurslarının hakim partiyanın namizədinin xeyrinə səfərbər edilməsi, müstəqil və müxalif mövqeyi ilə seçilən siyasi partiyalara, mediaya və digər vətəndaş cəmiyyəti qurumlarına və onlara dəstək verən beynəlxalq təşkilatlara basqılar şəraitində keçirilən prezident seçkisi ən minimum standartlara belə cavab vermir.”
Hüquqşünaslar hesab edir ki, seçkiöncəsi və seçki prosesi gedişində baş verənlər hakimiyyətin ədalətli seçki keçirmək niyyətinin olmadığını bir daha nümayiş etdirib.
“Cəmiyyətdəki böyük çoxluq kimi biz də hesab edirik ki, İlham Əliyevin növbəti beşilliyə ölkəyə rəhbərlik etməyə haqqı yoxdur. Təkcə ona görə yox ki, onun üçüncü dəfə prezidentliyi Konstitusiyaya, demokratiyanın təməl prinsiplərinə ziddir.”deyə müraciətdə deyilir.
Müraciətdə hüquqşünaslar belə qənaətə gəliblər ki, bu hakimiyyətin ömrünün daha 5 il uzadılması dinc şəraitdə əsgər ölümlərinin, orduda, polisdə, həbsxanada işgəncələrin, siyasi motivlərlə həbslərin, insanların mülkiyyət haqlarına kütləvi müdaxilənin, cüzi əmək haqları, pensiya və sosial müavinətlərin müqabilində ağlasığmaz vəsaitlərin mənasız layihələrə sovrulmasının, dövlət büdcəsinin bir ailə tərəfindən talanmasının davamı, cəmiyyətdə cəhalətin və geriliyin, sosial bərabərsizliyin və ədalətsizliyin daha da dərinləşməsi deməkdir.
“21-ci əsrdə ölkəni feodal qaydaları ilə idarə edən bu hakimiyyətdən qurtulmaq gərək. Özünün, övladlarının, yaxınlarının, ölkəsinin taleyinə biganə olmayan hər kəsi oktyabrın 9-da seçki məntəqələrinə gəlməyə və bu hakimiyyətə yox deməyə çağırırıq.”deyə müaciətdə qeyd olunub.
Müraciəti İntiqam Əliyev, Vidadi Mirkamal, Əlövsət Əliyev, Ənnağı Hacıbəyli, Erkin Qədirli, Fuad Ağayev, Ələsgər Məmmədli, Əsabəli Mustafayev, Rəşid Hacılı, Anar Qasımlı, Qurban Məmmədov, Xalid Bağırov, Yalçın İmanov, Samir Isayev, Namizəd Səfərov, Əlaif Həsənov , Elçin Sadıqov, Xalid Ağəliyev, Nemət Kərimli, Cavad Cavadov imzalayıblar.-0-
-
- Siyasət
- 7 Oktyabr 2013 13:41
Siyasət
-
Cüdoçu Zelim Kotsoyev Parisdə keçirilən Olimpiya Oyunlarında Azərbaycana ikinci qızıl medal qazandırıb.
-
49 gündür Penitensiar Xidmətin müalicə müəssisəsində aclıq edən Fazil Qasımovun vəziyyəti kritik olaraq qalır. Bu barədə Turan agentliyinə onun vəkili Rövşanə Rəhimova avqustun 1-də Qasımova baş çəkdikdən sonra bildirib.
-
Avqustun 1-də Ankara aeroportunda Moskva və Vaşinqton arasındakı münasibətlər tarixində ən böyük məhbus mübadiləsi olub: 24 məhbusun mübadiləsi həyata keçirilib. Rusiya tərəfi 16 nəfəri (bu qrupa ABŞ vətəndaşları, ikili vətəndaşlığı olan şəxslər və rusiyalılar daxildir) ABŞ-a təhvil verib.
-
Növbədənkənar parlament seçkilərində iştirakla bağlı 1489 nəfər namizədlik üçün müraciət edib. Onlardan 481 nəfərin namizədliyi qeydə alınıb. Bu barədə avqustun 1-də Mərkəzi Seçki Komissiyasının iclasında qurumun sədri Məzahir Pənahov bildirib.
Rəy yaz