Эбрахим Раиси
İbrahim Raisi İranın yeni prezidenti oldu
Bakı/19.06.21/Turan: İranda iyunun 18-də keçirilən seçkilərin ilkin nəticələrinə görə, Ali Məhkəmənin sədri İbrahim Raisi İranın yeni prezidenti seçilib.
İlkin məlumatlara görə, konservator Raisi səs verən 28,6 milyon seçicinin 17,8 milyonunun səsini qazanıb.
Seçki Komissiyası səsvermənin rəsmi nəticələrini daha sonra açıqlayacaq.
Ölkənin hazırki prezidenti Həsən Ruhani artıq Raisini təbrik edib və qeyd edib ki, 45 gün sonra səlahiyyətlərini ona təhvil verəcək.
* Raisi 14 dekabr 1960-cı ildə Məşhəddə dünyaya gəlib. 1980-ci ildə dini təhsil alıb. 1985-ci ildə Tehran prokurorunun müavini vəzifəsinə təyin edilib. 1988-ci ildə rejim əleyhdarlarının cəzalandırılmasında iştirak edib. 1989-1994-cü illərdə Tehranın prokuroru, daha sonra İranın prokuror müavini olub, 2014-cü ildən isə İranın baş prokurorudur.
2016-cı ildə islam dünyasının ən zəngin fondlarından olan Astan-i Kuds Razaviyə (aktivləri 20 milyard avro təşkil edir) rəhbərlik edib. 2017-ci ilin mayında İran prezidenti vəzifəsinə namizəd olub, amma seçkilərdə fəaliyyətdə olan prezident Həsən Ruhaniyə məğlub olub.
Raisi konservator və korrupsiyaya qarşı mübarizənin tərəfdarı hesab olunur. Seçkiqabağı debatlar zamanı o belə deyib: “Qaçaqmalçılıqla bağlı dəhşətli vəziyyət var. Ölkədə hesablanmamış malların keçdiyi çox sayda liman və məntəqə var. Bütün bunlar korrupsiyanın nəticəsidir, korrupsiyanın kökünü kəsmək lazımdır”. -02В-
-
- Analitika
- 19 İyun 2021 11:31
Siyasət
-
Azərbaycan, Ukrayna üzərindən Rusiya qazının tranzitinin dayandırılmasından sonra təbii qaz bazarında artan çətinliklər fonunda Avropa üçün əsas enerji tərəfdaşı kimi öz mövqeyini gücləndirir. On il davam edən tranzit marşrutunun sonunu göstərən bu kəsinti, qlobal mayeləşdirilmiş təbii qaz (LNG) bazarında rəqabəti artıracağı və alternativ enerji mənbələrinin qiymətlərini yüksəldəcəyi gözlənilir.
-
Həbsdə olan bloger Rəşad Ramazanov 15 saylı cəzaçəkmə müəssisəsində saxlanma şəraitinin ağır olmasından danışıb. Bu barədə Turan agentliyinə koloniyadan zəng edərək özü məlumat verib.
-
ABŞ Helsinki Komissiyasının həmsədri, konqresmen Co Uilson Tehran rejiminin nümayəndələrinin Azərbaycan və Türkiyəyə qarşı təhdidlərini pisləyib.
-
Beynəlxalq Avtomobil Federasiyasının (FIA) Formula 1 üzrə Azərbaycan Qran-prisi sentyabrın 19-21-də reallaşacaq. Bu, mövsümün 17-ci Qran-prisi olacaq.
Rəy yaz