![İctimai Palata azad mətbuatın müdafiəsi üçün xalqa müraciət etdi](https://turan.az/resized/media/2013/main/041700035055-750-500-resize.webp)
İctimai Palata azad mətbuatın müdafiəsi üçün xalqa müraciət etdi
İctimai Palata azad Mətbuata basqılar və onların müdafiə olunmaları ilə bağlı çərşənbə günü Müsavat Partiyası qərargahında dinləmələr keçirib.
20 ildir ki, hakimiyyətdə olan mövcud iqtidarın bu müddət ərzində azad media orqanlarını müxtəlif üsullarla sıradan çıxardığı xatırladılıb. İqtidarın azad mətbuatın səyyar satışına problemlər yaratdığı, yeni qoyulan köşklərdə bu mətbuata aid qəzetlərin satılmasını əngəlləməsi qeyd edilib. Son bir ildə heç bir əsas olmadan “Qasid” yayım firmasının satılan qəzetlərin pullarını ödəməməsi kimi bir basqının başladığı nəzərə çatdırılıb. Dinləmələrdə çıxış edən Xalq Cəbhəsi Partiyasının sədri Əli Kərimli bu basqıların konkret “Azadlıq” və “Yeni müsavat” qəzetlərinə aid olduğunu deyib. Son vaxtlar isə məmur oliqarxlar bu iki qəzeti yüksək məhkəmə cərimələrilə susdurmaq istəyirlər. Ə.Kərimli artıq “Azadlıq” qəzetinin hesabına bir neçə gündür ki, həbs qoyulduğunu xatırladıb. Belə bir aqibətin “Yeni Müsavat” qəzetini gözlədiyi vurğulanıb. Azad mətbuatın varlığı məsələsinin təkcə bu qəzetlərin yox, bütünlükdə cəmiyyətin problemi hesab edilib. Qəzetlərə basqıların hakim ailəyə məxsus ofşor hesbalarla bağlı infrormasiyalar yayıldıqdan sonra daha da artığı deyilib. Bu basqılar etdiyi qanunsuzluq və cinayətləri iqtidarın xalqdan gizli saxlamaq cəhdi sayılıb. İqtidarın qanunsuzluqları ifşa edilməsi artdıqca bu qəzetlərə basıqılar da artır. “Bu gün cəmiyyətin önündə “azad mətbuatı qoruyub saxlaya biləcəyikmi?” sualı durur və buna bütünlükdə millətin təpkisi lazımdır”, - deyə Ə.Kərimli xalqa azad mətbuatı qorumaq çağırışı edib.
“Azadlıq” qəzetinin redaktoru Rahim Hacıyev qəzetin ekstremal şəraitdə fəaliyyət göstərdiyini qeyd edib. Azərbaycan iqtidarının dünya miqyasında işfası gücləndikcə, iqtidarı da bu ifşalara yer verən “Azadlıq” qəzetinə basqıları gücləndirib. Əliyevlər ailəsinin ofşor hesabları ilə bağlı yazılar qəzetdə dərc edilən günün səhəri qəzetin hesabına həbs qoyulması haqda məktub gəlib. Məhkəmə yolu ilə 62 min manat cərimə edilən qəzet 2012-ci ildən “Qasid” yayım şirkətindən pullarını ala bilməməsi xatırladılıb. “Biz fəadakarlıq edirik, amma fədakarlığın da bir həddi var, odur ki, indi ictimaiyyətdən dəstək gözləyirik, çünki biz xalqın maraqlarını qoruyuruq və indi də xalqdan umuruq”, - deyə R.Hacıyev ictimiyyətə xitab edib.
“Yeni Müsavat” qəzetinin redaktoru hazırda qəzetə qarşı 12 məhkəmə işi olduğu, bu məhəkəmlər qərar verərsə qəzetin 3 milyon manat cərimə ödəməyə məhkum olunacağı vurğulanıb. Bu məhkəmə proseslərinin çoxunun başa çatmadığı deyilib. Amma dinləmələrdə ANS şirkətlər qrupunun qəzetə qarşı məhkəmə iddiasını geri götürdüyü açıqlanıb. Qəzetə reklam verilməsinin qarşısının siyasi müdaxilələr yolu ilə alındığı qeyd olunub.
Müsavat Partiyası başqanı İsa Qəmbər bu qəzetlərin mövcudluğunun qorunmasını vacib məsələ aldandırıb. Qəzetlərin qorunması üçün jurnalist təşkilatlarına, maddi dəstək üçün orta və kiçik biznes adamlarına müraciət olunması təklif edilib. Beynəlxalq qurumlara müraciət olunması zərurəti önə çəkilib. İ.Qəmbər bu problemləri həll etməyin yolarının çox olmasını beynəlxalq qurumlara xatırladıb. Eyni zamanda xalq və ictimiyyətə maddi-mənəvi dəstərk üçün müraciət edilib. -05C-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz