Çərşənbə günü Nəsimi rayon məhkəməsi Elnur Əhmədovun sədrliyi ilə həbs edilmiş NİDA üzvü Rəşadət Axundovun qətimkan tədbirinin ev dustaqlığı ilə əvəz edilməsi haqqında şikayətini təmin etməyib.
Vəkil Namiq Hacıyevin Turan-a verdiyi məlumata görə, hakim məhkəmənin istintaq müddətinə fəalın həbs edilməsi haqqında qərarı qüvvədə saxlayıb.
Məhkəməyə gətirilmiş Rəşadət Axundov qeyd edib ki, onun həbsdə saxlanması üçün heç bir əsas yoxdur, həbs isə siyasi motiv daşıyır.
Axundov NİDA gənclər hərəkatının uydurma partlayıcı maddələrdən istifadə ilə iğtişaş təşkil etmək və narkotik saxlamaq ittihamı ilə həbs edilmiş 7 üzvündən biridir.
Onlar martın 10-da Bakının mərkəzində gənclərin əsgər ölümlərinə qarşı etiraz aksiyasından əvvəl və sonra həbs ediliblər.
Amnesty İnternational onları vicdan məhbusu olaraq tanıyıb və dərhal azad edilmələrini tələb edib. -16B-
Siyasət
-
Azərbaycan vətəndaşı Fərid Səfərli İran həbsxanasından azad edilərək ölkəsinə qaytarılıb.
-
Hazırda 1 saylı Bakı İstintaq Təcridxanasında saxlanılan “III Respublika Platforması”nın (ResPlatforma) spikeri Akif Qurbanov ailəsinə məxsus əmlaka həbs qoyulması ilə bağlı açıqlama yayıb. Açıqlama Qurbanova məxsus olduğu bildirilən facebook səhifəsində dərc edilib.
-
Azərbaycan Xalq Cəbhəsi Partiyasının fəalı Niyaməddin Əhmədov həbs cəzası çəkdiyi 7 saylı penitensiar müəssisədə aclıq elan edib. Bu barədə Azərbaycan Xalq Cəbhəsi Partiyasının məlumatında deyilir. Aclığa səbəb Əhmədovun karserə salınmasıdır.
-
Yanvarın 19-da Avropa İttifaqının Azərbaycandakı nümayəndə heyətinin rəhbəri Peter Mixalko və Avropa İttifaqı ölkələrinin səfirləri faciəvi hadisələrin 35-ci ildönümündə "Qara yanvar" qurbanlarının xatirəsini yad etmək üçün Şəhidlər Xiyabanını ziyarət ediblər.
Rəy yaz