![İctimai Palata buraxıla bilər](https://turan.az/resized/750/500/resize/media/2013/main/102200054444.jpg)
İctimai Palata buraxıla bilər
Müxalifət qüvvələri təsis etdikləri İctimai Palatanı buraxa bilər.
Son vaxtlar Müsavat və Xaql Cəbhəsi partiyalarının funksionerləri, İP üzvləri olan bir sıra şəxslər bu barədə açıqlamalar verirlər. İP-nin Koordinasiya Şurasının üzvü Pənah Hüseyn Turan-a bu haqda düşüncələr olduğunu deyib. O əlavə edib ki, yaxın günlərdə buna aydınlıq gətirilə bilər.
P.Hüseynə görə, İP onun təsisçiləri və üzvlərinin müzakirəsi və verəcəkləri qərardan sonra buraxıla bilər. Eyni zamanda, müxalifət qüvvələrinin birliyi olan Milli Şura formatını daha uğurlu saydığını deyən P.Hüseyn eyni məzmunlu iki qurumun paralel fəaliyyət göstərməsinə ehtiyac olmadığını vurğulayıb. Seçim qarşısında qalındığı halda Milli Şuranın saxlanmasını daha əsaslı hesab edib.
Xalq Cəbhəsi Partiyasının funksioneri Nurəddin Məmmədli də müxalifətin böyük koalisiyasının yaradılmasında İctimai Palatanın rolu olduğunu qeyd edib. Amma Milli Şuranı daha böyük birlik sayaraq, İctimai Palatanın buraxılmasının mümkünlüyünü vurğulayıb.
İctimai Palata 2010-cu ilin parlament seçkilərinin nəticələrinə etiraz olaraq 2011-ci ilin fevralında müxalifətin aparıcı partiyaları, ölkə ziyalıları tərəfindən təsis edilib. Qurumun əsas məqsədi 2010-cu il parlament seçkilərinin nəticələrinin ləğv olunması və yeni parlament seçkilərinin keçirilməsi idi. 2011-ci və 2012-ci illərdə qurum bri neçə kütləvi aksiya keçirdi. İP 2013-cü ilin iyununa kimi müxalifətin aparıcı qüvvəsi olaraq aktiv fəaliyyət göstərib.
2013-cü ilin prezident seçkilərilə bağlı Demokratik Qüvvələrin Milli Şurası forrmatında daha geniş müxalif qüvvələr birliyi təsis edilib. Tanınmış yazıçı Rüstəm İbrahimbəyov qurumun sədri seçilib. Tarixçi-professor Cəmil Həsənli 2013-cü ilin prezident seçkilərində Milli Şuranın vahid namizədi olub. -05B-
-
- İqtisadiyyat
- 22 Oktyabr 2013 14:51
-
- Cəmiyyət
- 22 Oktyabr 2013 15:31
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz