RF İstintaq Komitəsinin müstəntiqləri 50-dən çox şahidi dindirdikdən sonra müəyyən ediblər ki, Volqoqradda avtobusda özünü partladan Naida Asiyalova Moskvaya gedirdi, bu barədə RG.RU məlumat yayıb.
“Müəyyən edilmişdir ki, Asiyalova Volqoqrada Moskvaya gedən reys avtobusu ilə Mahaçqaladan gəlib. Müəyyən edilməmiş səbəbdən o, Volqoqrad DİN akademiyası yaxınlığında, terror aktının törədilməsindən təxminən bir saat əvvəl avtobusdan düşüb”, deyə İK-nin məlumatında bildirilir.
Müstəntiqlər qrupu artıq Dağıstana gedib və Asiyalovanın doğma kəndi olan Qunib rayonunun Qunib kəndində olub. Burada terrorçunun anasından DNA analizi üçün qan götürülüb. Növbəti istintaq tədbirləri üçün onun anası və iki bacısı Mahaçqalaya gətirilib. Güc qurumları onların yerini rəsmi olaraq gizlədir.
Volqoqradda içərisində onlarla sərnişin olan avtobus partladılb. Beş nəfər həlak olub, 32 nəfər yaralanıb. Milli Antiterror Komitəsi hadisəni terror aktı kimi təsnif edib.
Faciə oktyabrın 21-də saat 14.05-də Krasnoarmeyski rayonunda baş verib, xəbəri “VDV-Volqoqrad” verib.
Naida Asiyalovanın vətəndaş nikahı ilə yaşadığı Dmitri Sokolov partlatma işləri üzrə mütəxəssisdir. Bu barədə Dağıstanın hüquq-mühafizə orqanlarındakı mənbə bildirib.
Onların ikisi barəsində də federal axtarış elan olunmuşdu. Asiyalova fəal şəkildə vəhhabilik tərəfdarlarını cəlb etməklə məşhur idi. Dmitri Sokolovla Moskvada tanış olub, daha sonra onlar birlikdə Dağıstana gediblər. Məhz Sokolovun Naida Asiyalova üçün şəhid kəmərini hazırladığı istisna deyil.
Sokolovun qohumları 2012-ci ilin iyulundan – Moskvanı tərk etdiyi aydan etibarən onu axtarırdılar. İtkin düşmüş Sokolovun axtarışı ilə Liza Alert axtarış təşkilatının könüllüləri məşğul olurdular. Təşkilatdan bu məlumatı təsdiq ediblər, lakin hər-hansı məlumat verməkdən imtina ediblər. “Axtarışlar nəticə verməyib, təəssüf ki, itkin düşmüş şəxs tapılmayıb”, deyə onların saytında axtarış dəstəsinin rəsmi şərhində bildirilir.
Volqoqrad vilayətində üç gün matəm elan olunub. -0-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz