İctimai Palatanın (İP) Koordinasiya Şurası (KŞ) çərşənbə günü növbəti toplantısını keçirib. Bu haqda Turan-a iclasa sədrlik edən Zəfər Quliyev bildirib.
İclasda qərarların icrası vəziyyəti, ictimai-siyasi durum və cari məsələlər müzakirə edilib. İclasda İctimai Palatanın bu il yanvarın 5-də keçirilmiş sessiyası yüksək dəyərləndirilib. KŞ-nın toplantısında sessiyanın müzakirəyə çıxardığı İctimai Palatanın fəaliyyət istiqamətlərinə dair sənəd müzakirə edilib.
Sənədin KŞ-nın 16 yanvar toplantısında daha detallı müzakirə olunması qərara alınıb. Bundan əlavə, KŞ İctimai Palatanın sessiyasında İctimai Təhqiqat komissiyası yaradılması haqda qərarını müsbət qarşılayıb. Komissiya keçmiş rektor Elşad Abdullayevin yaydığı videoları və bu videoların yayılmasından sonra baş verən ölümləri təhqiq etmək niyyətindədir. Bu il yanvarın 17-də komissiya ilk dinləmələri keçirməyi nəzərdə tutur. Dinləmələrin sonunda komissiyanın yaradılması, tərkibi, sədrinin kim olması haqda məlumat verilməsi də qərara alınıb.
İclasda ölkədəki ictimai-siyasi durum da müzakirə edilib. Müxalifətin daha geniş koalisiyasının yaradılması müsbət qarşılanıb. Bu məsələdə tanınmış ziyalı və ictimai xadim Rüstəm İbrahimbəyovun təkliflərinin də nəzərə alınacağı qeyd edilib. KŞ hazırda həbsdə olan İslam Partiyasının sədri Mövsüm Səmədovun səhhətinin pisləşməsindən narahatlıq ifadə edib və onun dərhal həbsdən azad olunması tələbi səslənib. Naxçıvanda ziyalıların sn toplantısından sonra bu ziyalılara qarşı başlanan kampaniya pislənilib və buna son qoyulması tələb olunub. -05C-
Siyasət
-
Plastik cərrahiyyə fəaliyyətinə dair saxta sertifikatların verilməsinə görə Səhiyyə Nazirliyinin məmurlarına cinayət işi açılıb. Bu barədə Baş Prokurorluq və Səhiyyə Nazirliyinin 27 dekabr tarixli birgə məlumatında deyilir.
-
Rusiyanın hava hücumundan müdafiə sistemi səhvən AZAL-ın təyyarəsinə hücum etsə də, Rusiya buna görə məsuliyyət daşıyır. Bu barədə bu gün Müsavat Partiyası bildirib.
-
AZAL Bakıdan Rusiyanın digər üç şəhərinə – Nijni Novqorod, Vladiqafqaz və Saratova sərnişin reyslərini dayandırır. Bu barədə AZAL-ın 27 dekabr tarixli məlumatında deyilir.
-
Ermənistan oktyabrda Xankəndidə vəfat etmiş yaşlı erməninin cənazəsini qəbul etməkdən imtina edir. Əgər erməni tərəfi yanvarın sonuna qədər qadının cənazəsini qəbul etməsə, o, Azərbaycanda dəfn olunacaq. Bu barədə Azərbaycanın Əsir və itkin düşmüş, girov götürülmüş vətəndaşlarla əlaqədar.
Rəy yaz