![İctimai teleradioda prezidentliyə namizədlərin çıxışı başlayıb](https://turan.az/resized/media/2013/main/091700049918-750-500-resize.webp)
İctimai teleradioda prezidentliyə namizədlərin çıxışı başlayıb
Sentyabrın 16-da prezidentliyə namizədlərin İctimai Televiziya və Radioda ödənişsiz əsaslarla efir vaxtından istifadəsi başlayıb.
İlk “dəyirmi masa” ictimai radioda olub. “Dəyirmi masa”da prezidentliyə namizədlər və onların səlahiyyətli nümayəndələri iştitrak ediblər. Efir vaxtı əsasən qarşılıqlı ittihamlara sərf edilib, daha doğrusu əksər namizədlər Milli Şuranın namizədinə qarşı olub.
Milli Şuranın namizədi Cəmil Həsənlinin səlahiyyətli nümayəndəsi Gülağa Aslanlı vətəndaşları sonda seçiciləri korrupsiyaya, rüşvətə qarşı olan, ədalətli dövlət aparatı quracaq, demokratiyanı, insan hüquqlarına hörməti bərpa edəcək Cəmil Həsənliyə səs verməyə çağırıb.
Mərkəzi Seçki Komissiyası qərara alıb ki, İctimai Teleradio pulsuz efir vaxtının bölgüsünü - həftəlik ümumi həcmi 6 saat olmaqla, həftənin 1, 3 və 5-ci günləri saat 21:00-da radioda, həftənin 2, 4 və 6-cı günləri isə saat 19:00-da televiziyada hər dəfə 1 saat olmaqla təmin etsin. Efir vaxtı qeydiyyata alınan bütün namizədlər arasında bərabər bölünür (hər namizəd üçün 6 dəqiqə).
Mərkəzi Seçki Komissiyası 10 nəfərin namizədliyini qeydə alıb.
Seçkiqabağı təşviqat səsvermə gününə 23 gün qalmış başlayır (sentyabrın 16-da), 24 saat qalmış başa çatır.
Prezident seçkiləri oktyabrın 9-da keçiriləcək.
Bununla yanaşı, prezidentliyə namizədlərin pulsuz efir vaxtında etdikləri çıxışlar İctimai Teleradiounun rəsmi saytındsa yerləşdirilməyib. İctimai Teleradionun rəsmi saytında prezident seçkiləri ilə bağlı fənərcik də mövcud deyil. Hansı ki, çoxsaylı xarici media saytlarında Azərbaycanda prezident seçkiləri ilə bağlı fənrəciklər yaradılıb.-03B-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz