Milli Şuranın (MŞ) prezidentliyə vahid namizədi Cəmil Həsənli Seçki Məcəlləsinə uyğun olaraq “İctimai” TV-nin ödənişli efir vaxtından istifadə etmək üçün 23 sentyabr tarixdə İTV-yə müraciət edib. Bu xəbər Turan-a prezidentliyə namizədin mətbuat xidmətindən verilib.
C.Həsənlinin səlahiyyətli nümayəndələri Elman Fəttah və Məcid Məcidli ödənişli efir vaxtının ayrılması ilə bağlı müqavilə baglamaq üçün bu gün ITV-nin direktor muavini Aliabbas adlı şəxslə görüşüblər. Direktor müavini bildirib ki, Seçki Məcəlləsinin 80.4 və 81.4- cü maddələrinə əsasən, ödənişli efir vaxtının ayrılması ilə bağlı müddət bitdiyindən C.Həsənli üçün ödənişli efir vaxtı ayrılmayacaq.
Namizədin nümayəndəsi Elman Fəttah Milli Şuranın Mətbuat Xidmətinə bildirib ki, İTV- nin direktor müavini yalan danışır və Seçki Məcəlləsinin qeyd olunan bəndlərində ödənişli efir vaxtından söhbət getmir.
Qeyd edək ki, namizədin adı çəkilən nümayəndələri 23 sentyabr tarixdə İTV-nin buraxılış məntəqəsində qeydiyyatdan keçərək, aidiyyatı şəxslərlə görüşmək üçün 2 saat TV-də olublar. Lakin bu müddət ərzində onlarla heç kim görüşməyib.
İctimai Televiziyada ödənişli efir vaxtının ayrılmaması ilə bağlı prezidentliyə namizəd Cəmil Həsənlinin və Milli Şuranın adekvat addımları olacaq. -05D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz