Aprelin 29-da prezident İlham Əliyevin Aİ-nin Cənubi Qafqazdakı xüsusi nümayəndəsi Gerbert Salberlə görüşündə Azərbaycan və Avropa İttifaqı arasında münasibətlər müzakirə olunub.
Dövlət başçısının saytında yer alan məlumata görə, Salber Azərbaycan və Ermənistan qoşunlarının təmas xəttində vəziyyətlə bağlı narahatlığını ifadə edərək, münaqişənin tənzimlənməsi zərurətinin indi heç vaxt olmadığı qədər böyük olduğunu qeyd edib.
Onun sözlərinə görə, Aİ Azərbaycanla əməkdaşlığı genişləndirərək, regional münaqişələrin tənzimlənməsinə töhfə vermək niyyətindədir.
Öz növbəsində, Əliyev qeyd edib ki, münaqişənin tənzimlənməsinə ən maraqlı tərəf Azərbaycandır, belə ki, ölkə ərazisi uzun illərdir işğal altındadır, beynəlxalq vasitəçilərin səyləri isə nəticə vermir.
Ermənistan danışıqlar masasında irəli sürülən təşəbbüslərə əngəllər yaradan Ermənistan təmas xəttində müxtəlif silahlı təxribatlar törətməklə mövcud status-kvonu saxlamağa çalışır, deyə o bildirib.
Əliyev həmçinin Aİ-nin münaqişənin tənzimlənməsi üzrə konkret mövqe nümayiş etdirməməsi ilə bağlı təəssüfünü bildirib.
Görüşdə Azərbaycan və Aİ arasında əməkdaşlığın cari vəziyyəti və perspektivləri müzakirə olunub.- 06D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz