Prezident İlham Əliyev.
İ.Əliyev “Pandora sənədləri”ndəki materialları təkzib edib
Bakı/13.10.21/Turan: Azərbaycan prezidenti İlham Əliyev “Pandora sənədləri”ndəki korrupsiya haqqında materialları təkzib edib. İtaliyanın La Repubblica qəzetinə müsahibəsində o bildirib ki, bu materialların cəmi 5 faizi həqiqətdir. O qeyd edib ki, prezident seçildikdən sonra öz biznesini ailəsinə ötürüb.
“Mən on səkkiz ildir prezidentəm. Prezident seçiləndə mən kasıb insan deyildim. Prezident olduqdan sonra mən biznesdə birbaşa iştirakımı dayandırdım və biznesi öz ailəmə ötürdüm”, deyə o qeyd edib.
Əliyevin sözlərinə görə, onun uşaqları biznesi uğurla davam etdirirlər. “Onların əsasən Azərbaycanda sərmayələri var. Onların Azərbaycandan kənarda sərmayələri var. Onların bütün biznes fəaliyyəti şəffafdır və beynəlxalq səviyyədə auditdən keçir və heç kəs burada bir şeyin səhv olması iddiası ilə çıxış edə bilməz”, deyə o bildirib.
Xatırladaq ki, Beynəlxalq Jurnalist Araşdırmaları Konsorsiumu (ICIJ) oktyabrın 3-də 11.9 milyona yaxın sənəddən bir sıra dünya liderlərinin offşor hesabları haqqında “Pandora sənədləri” adlanan çıxarışlar dərc edib. Azərbaycan prezidenti ilə bağlı sənədlərdə onun xaricdə 700 milyon dollarlıq daşınmaz əmlak aldığı deyilir. -02D-
-
- Siyasət
- 13 Oktyabr 2021 16:28
Siyasət
-
Avropa İttifaqı Azərbaycanla mina əleyhinə fəaliyyətdə əməkdaşlığın davam etdirilməsindən məmnundur. Bu barədə Avropa İttifaqının Azərbaycandakı səfiri Piter Mixalko cümə günü Avropa İttifaqının "Team Europe" təşəbbüsünün təqdimat mərasimində bildirib.
-
Azərbaycan Prezidenti İlham Əliyev mayın 3-də qeyd olunan Konstitusiya Günü münasibətilə Polşa Prezidenti Anjey Dudaya və Polşa xalqına səmimi təbriklərini çatdırıb.
-
Bütün dünyada mətbuat azadlığını onun qarantı olmalı olan adamlar – siyasi hakimiyyət təhdid edir. Bunu "Sərhədsiz Reportyorlar" təşkilatının hazırladığı sonuncu illik Ümumdünya Mətbuat Azadlığı İndeksi sübut edir.
-
Peyk çəkilişlərinə görə, Şuşa şəhərinə yaxın Daşaltı kəndi demək olar ki, tamamilə dağıdılıb. Daha doğrusu, evlərin 90 faizi sökülüb. Hakimiyyət bu yaşayış məntəqəsinin rekonstruksiyası və ya yenidən inşa ediləcəyinə dair baş planı barədə məlumat verməyib.
Rəy yaz