Azərbaycan heç vaxt Dağlıq Qarabağın müstəqilliyinə razılıq verməyəcək. Bu barədə Azərbaycan prezidenti İlham Əliyev "Əl-Cəzair" telekanalına müsahibəsində bildirib.
“Qarabağ Azərbaycanın qədim və tarixi hissəsidir”, deyən Əliyev xatırladıb ki, ermənilərin regiona kütləvi köçürülməsi XIX əsrin əvvəllərində Azərbaycanın Rusiyaya birləşdirilməsindən sonra başlayıb.
XX əsrin əvvəllərində bolşevik inqilabı nəticəsində Azərbaycan Sovet İttifaqının bir hissəsinə çevrildi və sonradan sovet hökuməti Dağlıq Qarabağ muxtar bölgəsini yaratmaq qərarı qəbul etdi.
“Beynəlxalq təşkilatlar çox sayda qərar və qətnamələr qəbul ediblər, xüsusən, BMT Təhlükəsizlik Şurası erməni qoşunlarının Azərbaycanın işğal edilmiş ərazilərindən dərhal və qeyd-şərtsiz çıxarılmasını tələb edən dörd qətnamə qəbul edib. Təəssüf ki, bu qətnamələri qəbul edənlər özləri öz qərarlarına hörmət etmirlər. Belə ki, bu qətnamələr 20 ildən çoxdur kağız üzərində qalır, onlar yerinə yetirilmir və biz Azərbaycana münasibətdə ikili standartlar siyasətinin şahidi oluruq. Çünki bəzi hallarda BMT Təhlükəsizlik Şurasının qərarları bir neçə gün ərzində yerinə yetirilir. Bizim məsələmizə gəlincə, 20 ildən çox zaman keçib. Ermənistan bu qətnamələrə, həmçinin digər beynəlxalq təşkilatların qərarlarına məhəl qoymur”, deyə Əliyev bildirib.
Münaqişənin həlli üçün ilk növbədə Azərbaycanın ərazi bütövlüyü bərpa olunmalıdır, erməni işğalçı qüvvələri işğal edilmiş ərazilərdən çıxarılmalıdır, azərbaycanlılar bütün işğal olunmuş ərazilərə, o cümlədən Dağlıq Qarabağa qayıtmaq hüququ əldə etməlidir. “Bundan sonra regionda sülh bərqərarolacaq. Azərbaycanın ərazi bütövlüyündən kənar heç bir qərar qəbul edilmə bilməz. Azərbaycan heç vaxt Dağlıq Qarabağın müstəqilliyinə razılıq verməyəcək”, deyə Əliyev sözünə davam edib.
Bu zaman o, işğal edilmiş ərazilərdə müsəlman məscidlərinin dağıdıldığını qeyd edib. “Bu, təkcə Azərbaycanın tarixi irsinə deyil, eyni zamanda islam dəyərlərinə, islam tarixi irsinə hücumdur. Buna görə Ermənistanın bəzən bəzi müsəlman ölkələri ilə münasibətləri möhkəmləndirmək və ya normallaşdırmaq cəhdləri böyük təəccüb doğurur. Hesab edirəm ki, Ermənistanı açıq-aşkar təcavüzkar kimi tanıyan İslam Əməkdaşlıq Təşkilatının qətnamələri Ermənistanla münasibətləri inkişaf etdirmək istəyən bütün müsəlman ölkələrinə əsas mesaj olmalıdır”, deyə Əliyev bildirib. -06D-
Siyasət
-
Azərbaycanda həbs edilmiş tədqiqatçı İqbal Əbilovun 35 yaşının tamam olduğu gün həmkarları və yoldaşları onun işinə diqqət cəlb etmək üçün Avropanın müxtəlif şəhərlərində, o cümlədən Vilnyus, Belqrad, Varşava və Portoda aksiyalar keçiriblər.
-
İbtidai istintaqın yekunlarına görə Kanal-13 İnternet-TV-nin direktoru Əziz Orucova qarşı CM-in 206.3.2-ci (qaçaqlamçılıq, qabaqcadan əlbir olan bir qrup şəxs tərəfindən törədildikdə) maddəsi ilə irəli sürülmüş ittiham ləğv edilib.
-
Bu gün Bakı Ağır Cinayətlər Məhkəməsində ictimai fəal İlhamiz Quliyev barəsində hökm oxunub. Məhkəmə Azərbaycan CM-in 234.4.3-cü (satış məqsədilə külli miqdarda narkotik vasitənin qanunsuz dövriyyəsi) maddəsi ilə ittihamı daha yüngül maddəyə - 234.1-1-ci (satış məqsədi olmadan qanunsuz olaraq narkotik vasitələri və ya psixotrop maddələri xeyli miqdarda əldə etmə, saxlama, hazırlama, emal etmə, daşıma) maddəyə tövsif edib və fəalı üç il müddətinə azadlıqdan məhrumetmə cəzasına məhkum edib.
-
“Azərbaycan Siyasi Məhbuslarına Azadlıq” Birliyi siyasi məhbusların yeni siyahısını dərc edib. Siyahıya görə, bu il sentyabrın 23-dən dekabrın 12-dək Azərbaycanda siyasi məhbusların sayı 17 nəfər artaraq 331 nəfərə çatıb. Belə ki, sentyabrın 23-də 319 nəfərin adı siyahıya daxil edilib. İndiyədək onlardan 5 nəfəri həbsdən azadlığa buraxılıb, daha 17 nəfər həbs edilib.
Rəy yaz