IFEX Mehriban Əliyevada Emin Hüseynovu müdafiə etməyi xahiş edir
IFEX, fikir azadlığını müdafiə edən 95 təşkilatı birləşdirən qlobal şəbəkə Reportyorların Azadlıq və Təhlükəsizlik İnstitutunun (RATİ) rəhbəri Emin Hüseynovun İsveçrənin Bakıdakı səfirliyində gizlənmək məcburiyyətində olması haqqında məlumatlardan narahatlığını bildirib.
Bu narahatlıq İFEX-in Azərbaycanın birinci ledisi, YUNESKO-nun xoşməramlı səfiri Mehriban Əliyevaya, YUNESKO-nun baş direktoru İrina Bokovaya, BMT-nin insan hüquqları üzrə Ali Komissarı Zeyd Raad Əl-Hüseynə və BMT-nin söz azadlığı məsələləri üzrə xüsusi məruzəçisi Devid Keyuya məktubunda ifadə olunub.
Müraciətdə deyilir ki, Hüseynov çoxdan Azərbaycanda ifadə və KİV azadlığının müdafiəsi ilə məşğuldur. Son on ildə o, yüzlərlə jurnalisti, blogeri və müstəqil fəalı müdafiə edib. Lakin son altı aydır ki, Emin bu mühüm işini davam etdirmək iqtidarında deyil.
2014-cü ilin avqustunda, Azərbaycanın Avropa Şurasında sədrliyinin qızğın vaxtında polis RATİ-nin ofislərində axtarış aparıb, kompüterləri və sənədləri müsadirə edib, ofisi möhürləyib. O vaxtdan etibarən Emin Hüseynov saxta ittihamlarla həbsdən qaçmaq üçün İsveçrənin Bakıdakı səfirliyində gizlənirdi.
Emin Hüseynova qarşı Azərbaycan Cinayət Məcəlləsinin üç maddəsi – 308 (vəzifə səlahiyyətlərini aşma), 213 (vergi ödənişindən yayınma) və 192-ci (qanunsuz sahibkarlıq) maddələri ilə ittihamlar irəli sürülüb.
Biz bu ittihamları siyasi motivli hesab edirik. Digər beynəlxalq təşkilatlar, o cümlədən ATƏT bu ittihamları pisləyib.
Emin Hüseynov və RATİ ilə bağlı hadisə yeganə deyil. 2014-cü ilin dekabrında araşdırmaçı-jurnalist Xədicə İsmayılova həbs edilib. 2014-cü ilin sentyabrında Amerikanın İREX təşkilatının Azərbaycandakı ofisində axtarış aparılıb, kompüterlər, sənədlər və digər elektron daşıyıcılar isə müsadirə edilib.
“Biz YUNESKO-nun xoşməramlı səfiri kimi sizə bizi dəstəkləmək xahişi ilə müraciət edirik. Emin Hüseynovun və Azərbaycanda hüquqları pozulmuş digər ifadə azadlığı müdafiəçilərinin təhlükəsizliyini və azadlığını müdafiə etmək imkanına maliksiniz”, deyə müraciətdə qeyd edilir.
Onlar həmçinin Hüseynova qarşı ittihamların ləğv olunmasını və humanitar düşüncə ilə ona ölkəni təhlükəsiz şəkildə tərk etmək imkanı verilməsini, RATİ-yə qarşı cinayət işinə son qoyulmasını, ifadə və birləşmək azadlıqlarına tam həcmdə riayət olunmasının təmin edilməsini, QHT-lərin fəaliyyəti üçün əlverişli şərait yaradılmasını xahiş edirlər. -06D-
-
- İqtisadiyyat
- 12 Fevral 2015 13:42
-
- İqtisadiyyat
- 12 Fevral 2015 14:03
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz