İlahiyyatçı Taleh Bağırzadə yenidən karserə salınıb
İlahiyyatçı Taleh Bağırzadə yenidən karserə (cərimə təcridxanası) salınıb. Bu barədə Turan-a vəkil Cavad Cavadlı bildirib.
Onun sözlərinə görə, müdafiə elədiyi şəxsin karserə salınmasına səbəb onun avqustun 24-də yayımlanan məktubudur.
Vəkil bildirib ki, T.Bağırzadə rəisə “zindandan o tərəfə ölümdür və bunu gözümə almışam, bunu başa düşsünlər, bizim tələblərimiz var onlar yerinə yetirilməlidir. Bizə bir addım gələnə biz beş addım gedərik” fikirlərini ünvanlayıb.
Bununla belə, vəkil T.Bağırzadənin sosial şəbəkələrdə yayılmış bəyanatlarının ekspertizasının nəticəsi ilə bağlı məsələyə toxunub. O bildirib ki , ekspertiza müəyyən edib ki, konkret olaraq ilahiyyatçının çıxışlarında dövlət əleyhinə heç bir söz deyilməyib. Belə ki, çıxışların birində olan “zülmə qarşı susmamaq” kimi söz birləşməsində ekspertiza siyasi fikirlərin olduğunu əsas gətirib.
Vəkil ekspertizanın nəticələrindən narazılığını bildirib. Bununla əlaqədar ibtidai istintaqa və məhkəməyə yeni vəsatətlər hazırlayır.
Onun sözlərinə görə, müdafiə etdiyi şəxs sadəcə öz fikrini ifadə edib. Fikrini ifadə etmək isə günah sayılmır. O, T. Bağırzadənin Avropa İnsan Haqları konvensiyasının 10-cu maddə (ifadə azadlığı) üzrə hüquqlarının pozulduğunu qeyd edib.
Xatırladaq ki, T.Bağırzadə martın 31-də qanunsuz narkotik maddə saxlamaq ittihamı ilə həbs edilib. Lakin o, ittihamları təkzib edərək hakimiyyəti tənqid etdiyinə görə təqib olunduğunu bildirib. Belə ki, onun həbsinə martın 24-də məscidlərdən birində oxuduğu və Azərbaycan hakimiyyətini kəskin tənqid etdiyi xütbəsi səbəb olub. -16B-
-
- İqtisadiyyat
- 26 Avqust 2013 14:21
-
- Cəmiyyət
- 26 Avqust 2013 14:28
Siyasət
-
Norveç İnsan Hüquqları Evləri Fondu "Azərbaycanda insan hüquqları ilə bağlı artan böhran" adlı hesabat yayaraq, COP29 ərəfəsində diqqəti ölkədə hakimiyyətin tənqidçilərinə qarşı repressiyaların artmasına yönəldib.
-
Sentyabr ayında Beynəlxalq Qızıl Xaç Komitəsinin (BQXK) əməkdaşları Azərbaycan tərəfinin haqqında məlumat verdiyi erməniəsilli şəxslərə yenidən baş çəkiblər.
-
İşçi Masası Həmkarlar İttifaqları Konfederasiyasının həbsdə olan üzvü Elvin Mustafayev aclıq elan edib. Bu barədə Turan-a fəalın yaxınları bildiriblər.
-
İranda İsrail kəşfiyyatına - Mosad-a qarşı mübarizə üçün xüsusi departament yaradılmışdı, bu departamentə Mosad tərəfindən cəlb edilmiş casus rəhbərlik edirdi. Bu barədə bazar ertəsi, sentyabrın 30-da İranın keçmiş prezidenti Mahmud Əhmədinejad CNN telekanalına müsahibəsində bildirib.
Rəy yaz