İlham Əliyev alman şirkətlərini ölkəyə çağırır

Prezident İlham Əliyev alman şirkətlərini Azərbaycanla fəal əməkdaşlıq etməyə çağırıb.

Bu gün Berlində Azərbaycan-Almaniya iqtisadi forumunun açılışında iştirak edən Əliyev qeyd edib ki, onun ölkəsində qeyri-neft sektorunun inkişafına, ixrac potensialının müxtəlifləşdirilməsinə xüsusi diqqət yetirilir.

İnkişaf üçün prioritet sahələrə kənd təsərrüfatı, İKT, nəqliyyat aid edilib. Bu il beynəxalq əhəmiyyətli Bakı-Tbilisi-Qars dəmir yolu istismara veriləcək. Yeni Bakı Ticarət Limanının istismara verilməsi ilə Azərbaycan ən böyük logistika mərkəzinə çevriləcək.

“Biz Azərbaycanda daha çox alman şirkəti görmək istəyirik”, deyən Əliyev hazırki forumun ikitərəfli münasibətlərin möhkəmləndirilməsinə töhfə verəcəyinə ümid etdiyini bildirib.

Öz növbəsində, AFR-in vitse-kansleri, iqtisadiyyat və energetika naziri Ziqmar Qabriel Azərbaycanın həyata keçirdiyi “Cənub Qaz Dəhlizi” layihəsinin əhəmiyyətini qeyd edib.

O, iki ölkə arasında güclü əlaqələr olduğunu qeyd edib və hazırki forumun ikitərəfli münasibətlərin dərinləşdirilməsinə əlavə təkan verəcəyinə ümid etdiyini bildirib. -06В-