Ukrayna Azərbaycana 10 hərbi nəqliyyat təyyarəsi göndərəcək

Ukrayna Azərbaycanla 10 An-78 hərbi nəqliyyat təyyarəsinin satışı haqqında müqavilə imzalayıb, bu barədə çərşənbə axşamı Ukrayna baş naziri Vladimir Qroysman bildirib

“An-178-lər Azərbaycanda uçacaq! Azərbaycan şirkəti ilə 10 An-178 təyyarəsinin alınması haqqında müqavilə imzalanıb”, deyə Qroysman öz Twitter mikrobloqunda yazıb. Bu seriyalı təyyarələri Ukraynanın “Antonov” konserni istehsal edir.

An-178 18 tona yaxın yük daşıya və torpaq aerodromlarda işləyə bilir. Əsas xüsusiyyətlərinə və nəqliyyat imkanlarına görə An-12-dən üstündür və daha çox uçuş uzaqlığına və yüksəkliyinə malikdir. An-178-in qiyməti komplekt hissələrindən asılı olaraq 40 mln. dollara yaxın və daha çox təşkil edir.

Qroysman Azərbaycanda bu təyyarələri hansı şirkətin aldığını açıqlamasa da, bu, 2015-ci ilin iyulunda “Antonov”la müvafiq müqavilə imzalayan Silk Way Airlines-dir.

An-178 Azərbaycan HHQ-nin hərbi nəqliyyat potensialını xeyli artıracaq. Bu təyyarələrdən hərbi texnikanın və canlı qüvvənin döyüş əməliyyatları zonasına tez çatdırılması üçün istifadə olunur, həmçinin desant çıxarılması üçün istifadə oluna bilər. -02D-