Sabiq səhiyyə naziri Əli İnsanov barəsində hakimiyyət ümayəndəsinə qarşı müqavimət göstərmə və zor tətbiq etmə ilə yeni ittiham irəli sürülməsi ilə bağlı yayılan məlumatlar tam yalandır. Bu barədə Turan-a İnsanovun vəkili Toğrul Babayev bildirib.
“Biz vəkillər elə indi 13 saylı Cəzaçəkmə müəssisəsində Əli İnsanovla görüşmüşük. Hazırda saat 16.30-da biz 13 saylı Cəzaçəkmə Müəssisəsinin qarşısındayıqq. Ona qarşı hər hansı yeni ittiham irəli sürülməyib. Onun səhhəti yaxşıdır, heç bir hadisə baş verməyib”, deyə Babayev qeyd edib.
Qeyd edək ki, bu gün bir sıra KİV-lər vəkil Namizəd Səfərova istinadla İnsanova qarşı CM-in 315-ci maddəsi ilə ittiham irəli sürüldüyü və onun cəzaçəkmə müəssisəsindən Kürdəxanı İstintaq Təcridxanasına köçürüldüyü haqqında məlumat yayıblar.
* Sabiq səhiyyə naziri Əli İnsanov 2005-ci ilin oktyabrında parlament seçkilərindən əvvəl dövlət çevrilişinə cəhd ittihamı ilə həbs edilib, amma sonradan bu ittiham iqtisadi xarakterli ittihamlarla əvəz olunub. Məhkəmə 2007-ci ilin aprelində onu rüşvət almaqda, vəzifə səlahiyyətlərini aşmaqda və s. təqsirli bilərək 11 il müddətinə azadlıqdan məhrum edib. Əli İnsanov hüquq müdafiə təşkilatları tərəfindən siyasi məhbus kimi tanınıb.
2014-cü il martın 14-də Avropa Məhkəməsi İnsanov barəsində ədalətsiz məhkəmə təhqiqatı haqqında qərar çıxarıb. Bu qərar əsasında Ali Məhkəmənin Plenumu İnsanovun işini baxılması üçün Apellyasiya Məhkəməsinə göndərib. 2014-cü ilin fevralında Bakı Apellyasiya Məhkəməsi birinci instansiya məhkəməsinin 11 il azadlıqdan məhrumetmə qərarını qüvvədə saxlayıb. -03B06-
Cəmiyyət
-
"Son 10 ildə ali təhsil müəssisələrinə qəbul göstəricisi artıb və bu da kəmiyyət göstəricisidir". Bunu təhsil naziri Emin Əmrullayev fevralın 10-da Bakıda Dünya Bankının illik qlobal hesabatının təqdimatında deyib.
-
Gənclər Azərbaycanı beynəlxalq olimpiadalarda təmsil etməyə hazırlaşır Təhsil İnsititutunun təşəbbüsü və Azercell-in dəstəyilə İT üzrə beynəlxalq olimpiadalara hazırlaşan milli komandamız üçün növbəti “Qış Kampı” təşkil olunub. Bu dəfə düşərgə çərçivəsində məktəblilərimiz Oxford Universitetinin Avtonom maşınların idarə olunması üzrə məzunu Tərlan Süleymanov və Google Texnologiya şirkətinin Poqram təminatı mühəndisi Rəhim Məmmədli ilə görüşmək, onların dəyərli təcrübəsindən faydalanmaq imkanı əldə ediblər. Qonaqlar iştirakçılara müasir proqramlaşdırma dilləri və texnologiyaları barədə master-klass keçiblər.
-
Çərşənbə günü paytaxtda hava tutqun olacaq. Axşama doğru Abşeronda bəzi yerlərdə yağıntı ola bilər. Şimal-qərb küləyi əsəcək. Havanın temperaturu gecə mənfi 1 + 2, gündüz müsbət 3 +7 dərəcə olacaq. Rütubət gecə 70-80, gündüz 60-65 faiz olacaq.
-
Azərbaycan Prezidenti yanında Əfv Məsələləri Komissiyasının iclaslarının yenidən bərpa ediləcəyi və növbəti əfv sərəncamının imzlanacağı gözlənir. Sonuncu belə sərəncam ötən il mayın 25-də, Müstəqillik Günü (28 may) ərəfəsində imzalanmışdı. Sərəncam 154 nəfərə şamil edilmişdi. Onlardan 63 nəfər azadlıqdan məhrumetmə cəzasından azad edilmiş, 52 şəxsin cəzasının çəkilməmiş hissəsi yarıyadək azaldılmışdı. Qalanları isə, əsasən, elektron qolbaqdan azad edilib və ya belə cəzanın azaldılmasını əhatə edirdi.
Rəy yaz