İlham Əliyev: RF-nin Qarabağda vasitəçiliyi səmərəlidir

Dağlıq Qarabağda təmas xəttində atəşkəs rejimi stabil deyil, kövrəkdir, mövcud status-kvo qəbuledilməzdir, bu barədə çərşənbə axşamı Azərbaycan prezidenti İlham Əliyev AFR kansleri Angela Merkel ilə birgə mətbuat konfransında bildirib. Xəbəri RİA-Novosti yayıb.

“Təmas xəttində daim pozuntu olur, atəşkəs rejimi stabil deyil və kövrəkdir. Bugünki status-kvo qəbuledilməzdir. Apreldən etibarən Ermənistan bizə qarşı silahlı təxribatları davam etdirir”, deyə Əliyev bildirib.

Bu zaman Əliyev Rusiyanın vasitəçiliyini müsbət qiymətləndirib. “Bizim Rusiya ilə çox konstruktiv, dost münasibətlərimiz var... Biz Rusiyaya strateji tərəfdaşımız kimi baxırıq, Rusiyann davranışı buna tamamilə uyğundur”, deyə Azərbaycan prezidenti qeyd edib.

O bildirib ki, Rusiyanın Qarabağ Nizamlanması üzrə Minsk Qrupunun həmsədri qismində rolu “çox müsbətdir”,

Elə bu gün Berlində Azərbaycan-Almaniya iqtisadi forumunda çıxış edən Əliyev yenə Qarabağ haqqında danışaraq xatırladıb ki, BMT TŞ “işğalçı qoşunların Azərbaycan ərazilərindən çıxarılmasını tələb edən” dörd qətnamə qəbul edib, amma Ermənistan bu qətnamələri yerinə yetirmir.

“Azərbaycan ikili standartlar siyasəti ilə üzləşir, belə ki, bəzi hallarda qətnamələr bir neçə gün ərzində yerinə yetirilir, bir halda ki, Azərbaycanla bağlı qətnamələr 20 ildən çoxdur yerinə yetirilmir. Buna baxmayaraq, Ermənistan hakimiyyətinə qarşı sanksiyalar tətbiq edilmir”, deyə Əliyevin mətbuat xidməti ondan sitat gətirir. -06D-