İlham Əliyev: Azərbaycanda 18 yaşdan yuxarı əhalinin 60%-dən çoxu COVİD-19-a qarşı tam vaksinasiya olunub

Bakı/04.11.21/Turan: Azərbaycanda 18 yaşdan yuxarı əhalinin 60%-dən çoxu COVİD-19 əleyhinə vaksinasiya olunub.  

Bu barədə bu gün ölkə prezidenti İlham Əliyev VIII Qlobal Bakı Forumunda çıxış edərkən bildirib.

"18 yaşdan yuxarı əhalinin yarısından çoxu - 60%-i COVİD-19-a qarşı tamamilə peyvənd olunub, yəni iki doza vaksin vurdurub", deyə prezident bildirib.

O qeyd edib ki, ölkədə ümumilikdə 4 min yataqlı-yerli 13 yeni dövlət xəstəxanası açılıb.

Vaksinasiya əsasən Sinovac, Pfizer preparatları ilə həyata keçirilir. "Vaksinasiya səviyyəsini yüksək hesab etmək olar, bu, dövlət siyasətidir. Əhali buna yüksək məsuliyyətlə yanaşır və biz vaksinasiya əleyhinə aksiyalar müşahidə etmirik, bu da işimizi asanlaşdırır", deyə Əliyev sözünə davam edib.

Onun sözlərinə görə, 2020-2021-cii il ümün dövlət büdcəsi vəsaitindən əhaliyə sosial dəstək və biznesə dəstək paketi 2,9 mlrd. dollar təşkil edib.

Noyabrın 3-də Azərbaycanda təsdiq edilmiş COVİD-19-a yoluxma hadisələrinin ümumi sayı 537 004 nəfər təşkil edib, 7 153 nəfər vəfat edib, 499 571 nəfər müalicə olunaraq sağalıb. -06D-