İlham Əliyev Bolqarıstanın baş nazirini qəbul edib

Dövlət başçısı İlham Əliyev Bolqarsıtan baş naziri Plamen Oreşarskinin başçılıq etdiyi nümayəndə heyətini çümə axşamı qəbul edib.

Dövlət başçısının saytının yaydığı xəbərə görə, nümayəndə heyətilə görüşdə ikitərəfli və çoxtərəfli münasibətlərin inkişafından razılıq ifadə edilib, enerji sahəsində tərəfdaşlıq əlaqələrinin geünişlənməsinin vacibliyi vurğulanıb,  əməkdaşlığın perspektivilə bağlı fikir mübadiləsi aparılıb.

P.Oraşerskinin Azərbaycana ötən səfərində enerji sahəsində əməkdaşlığa dair vacib sənədlərin imzalanmasına toxunan İ.Əliyev iri regional infrastruktura layihəsinin reallaşdırılmasında birgə fəaliyyətin başalanmasına məmnunluq ifadə edib. 

İ.Əliyev energetika, investisiya, biznes, birgə istehsal sahələrinin yaradılması, turzim, mədəniyyət və s. kimi sahələrində əlaəqlərin genişləndirilməsi üçün yaxşı imkanlar yaradıldığını qeyd edib.

Bolqaristan şirkətlərini Azərbaycanda reallaşdırılan layihələrdə iştiraka dəvət edən dövlət başçısı  Bolqarıstanın tərəfdaş və invstor kimi fəaliyyətində Azərbaycanın maraqlı olduğunu söyləyib. 

P.Oraşerski cavab sözündə energetika sahəsində iki ölkə arasında əməkdaşlığının uğurla inkişaf etdiyini bildirib və nəqliyyat, kimya, təhsil, mədəniyyət və s. sahələrdə əlaqələrin genişləndirilməsinə maraqlı olduğunu qeyd edib.-02D-