İlham Əliyev BP-nin icraçı direktorunu qəbul edib

Çərşənbə günü dövlət başçısı İlham Əliyev BP neft şirkətinin icraçı direktoru Rober Dadlini qəbul edib.

Ölkə prezidentinin mətbuat xidmətinin məlumatında deyilir ki, görüşdə BP ilə Azərbaycan arasında əməkdaşlığın uğurla həyata keçirildiyi vurğulanıb, “Azəri-Çıraq-Günəşli” və “Şahdəniz” yataqlarında işlərin icrasından məmnunluq ifadə olundu, bu ilin sentyabrında “Cənub” qaz dəhlizinin təməli qoyulduqdan sonra layihə üzrə işlərin müvəffəqiyyətlə aparıldığı bildirilib. Azərbaycan Respublikası Dövlət Neft Şirkəti ilə BP arasında bu layihə ilə bağlı əməkdaşlığın uğurla davam etdiriləcəyindən əminlik ifadə olunub.
Prezident İlham Əliyev və icraçı direktor Robert Dadli Azərbaycan Respublikası Dövlət Neft Şirkəti ilə bp arasında tərəfdaşlıq əlaqələrinə söykənən əməkdaşlığın bundan sonra da davam etdiriləcəyinə ümidvar olduqlarını bildirdilər.

Ekspertlər hesab edirlər ki, Dadlinin səfəri, çox güman ki, neft qiymətlərinin kəskin şəkildə düşməsi ilə əlaqədardır. Belə olan halda BP bütün layihələrdə, o cümlədən Azərbaycandakı layihələrdə işçilər ixtisar edəcəyini elan edib.

Bundan başqa, neft qiymətlərinin aşağı olması investisiya proseslərinə düzəlişlər edilməsini tələb edir. -02D-