Avtomobil nəqliyyatı vasitələrinin istehsalı artır

Dövlət satınalmaları Azərbaycanda avtomobil nəqliyyatı vasitələrinin istehsalının artmasını dəstəkləyir. İlin əvvəlindən Gəncə və Naxçıvan avtomobil zavodları 3,2 mindən çox avtomobilin yığılmasını həyata keçiriblər.

Dövlət Statistika Komitəsinin məlumatına görə, “Gəncə Avtomobil Zavodu” İstehsalat Birliyində 2014-cü ilin sonuna kimi 300 ədəd müxtəlif modifikasiyalı Belarus markalı traktorların istehsalı planlaşdırılıb. Bu barədə məlumatı müəssisənin mətbuat xidməti yayıb. Məlumatda bildirilir ki, bu müddətdə 300 ədəd traktor üçün kotanlar, 70 ədəd MAZ markalı avtomobillərin yığılması nəzərdə tutulur. İstehsal olunan traktor və kotanlar dövlət sifarişi əsasında “Aqrolizing” Acıq Səhmdar Cəmiyyətinə veriləcək.

Hazırda zavodda traktorların bazasında ekskavatorlar, qar təmizləyənlər, asfalt doğrayan və yol təmizləyən maşınlar, traktor üçün qoşqular və istənilən növ asma avadanlıqları istehsal edilir. MAZ markalı avtomobillərinin bazasında yanacaq və su daşıyan maşınlar, yükü özüboşaldan, dartıcı avtomobillər, assenizasiya maşınları, təmir emalatxanaları və kommunal maşınları istehsal edilir.

Nacxçıvan avtomobil zavodunda (“Gemiqaya Holding”-ə daxildir) bu il Çinin “Lifan” avtomobilinin bazasında 1861 ədəd “NAZ Lifan” markalı  minik avtomobili yığılıb. Bu avtomobillər Əmək və Əhalinin Sosial Müdafiəsi Nazirliyinin sifaişi əsasında Böyük Vətən Müharibəsi və Qarabağ müharibəsi əlillərinə verilmək üçün istehsal olunur. 08B