İlham Əliyev: Məmurlar vətəndaşlara əziyyət verir, amma xilas yolu ASAN-dır

Azərbaycanda sosial islahatlar davam edəcək, bu barədə dövlət başçısı İlham Əliyev çərşənbə axşamı iqtisadi məsələlər və 2016-cı il üçün dövlət büdcəsi üzrə müşavirəni açarkən vəd edib.

“Biz sosial siyasətlə bağlı institusional islahatları davam etdirəcəyik. Dərman preparatları bazarının tənzimlənməsi sahəsində biz ciddi dəyişikliyə nail olmuşuq. Sentyabrın 15-dən sonra hər bir azərbaycanlı bunu hiss edəcək: dərman qiymətlərinin orta hesabla 2-3 dəfə ucuzlaşdırılması təmin edilib”, deyə İlham Əliyev bildirib.

Daha sonra o qeyd edib ki, idarəetmə sahəsində islahatlar dərinləşdiriləcək, korrupsiyaya qarşı mübarizə isə daha ciddi aparılacaq.

“Bu yaxınlarda “ASAN” xidmətinə yeni funksiyalar verilib. Mənzil-kommunal təsərrüfatın vəziyyətini hər bir Azərbaycan vətəndaşı bilir, nə qədər qanunsuz tələblər irəli sürüldüyünü, insanlara nə qədər əziyyət verildiyini. İndi hər şey daha asan olacaq”, deyə Əliyev vəd edib.

Daha sonra o bildirib ki, nəqliyyat sahəsində də ciddi pozuntular var, orada da insanlara əziyyət verirlər və əsassız tələblər irəli sürürlər. “Biz bu sahənin bir hissəsini “ASAN” xidmətinə verdik. Gələcəkdə hər bir sahədə “ASAN” standartları olmalıdır”, deyə o bildirib. -02D-