![İlham Əliyev: Münaqişə həddən artıq uzanıb və həllini tələb edir](https://turan.az/resized/750/500/resize/media/2014/main/080900086683.jpg)
İlham Əliyev: Münaqişə həddən artıq uzanıb və həllini tələb edir
Rusiyanın Soçi şəhərində Azərbaycan prezidenti İlham Əliyevin və Rusiya prezidenti Vladimir Putinin görüşü olub.
Rusiya prezidentinin rəsmi saytının məlumatına görə görüşdə ikitərəfli və regional məsələlər müzakirə olunub. Prezidentlər Dağlıq Qarabağ ətrafında yaranmış vəziyyətə xüsusi diqqət yetirib.
Rusiya prezidenti qarşıda çoxsaylı ikitərəfli və regional məsələlərin durduğunu deyib. “Münasibətlərimiz yüksələn xətlə inkişaf edir. Münasibətlərin inkişafı prezidentlər və hökumətlərimiz səviyyəsində daim dəstəklənir. İqtisadi, humanitar əlaqələrimiz inkişaf edir və digər sahələr də aktiv əməkdaşlıq edirik. Ümumilikdə ikitərəfli münasibətlərimizdə etimad elementləri daim möhkəmlənir və bundan çox şadıq”, Putin qeyd edib.
Prezident Əliyev deyib ki, münasibətlərin çox geniş gündəliyi müzakirə ediləcək.
“Siz dediyiniz kimi, münasibətlərimizin çox müsbət, dinamik, sabit, uzunmüddətli inkişafının müsbət dinamikası var. Biz bunu çox yüksək qiymətləndiririk və beynəlxalq arenada Rusiyanı əsas tərəfdaşlarımızdan biri kimi görürük.
Bizim əlaqələrimiz bir çox sahələri əhatə edir: həm siyasi, həm də iqtisadi sahədə qarşılıqlı anlaşma və yaxşı nəticələr var.
Ticarət dövriyyəsi həm ötən il, həm də bu il artıb.
Struktur yaxşılaşır, qarşılıqlı investisiyalar əhəmiyyətli dərəcədə artıb. Təbii ki, bu əlaqələrə yeni dinamika verir”.
İ.Əliyev Rusiya prezidentinin ötən il Azərbaycana səfərinin iki dövlətin münasibətlərinin inkişafına böyük təkan verdiyini deyib.
“Əlbəttə, bizim regionda regional təhlükəsizlik və sabitlik məsələlərinin müzakirəsi həmişə gündəliyimizdə durur. Həmçinin, əlbəttə Ermənistan-Azərbaycan, Dağlıq Qarabağ münaqişəsinin nizamlanması məsələsini müzakirə edəcəyik, hansı ki, münaqişə həddən artıq uzanıb və həllini tələb edir”, Azərbaycan prezidenti qeyd edib. -0-
-
- Söz istəyirəm
- 9 Avqust 2014 22:51
Siyasət
-
İran prezidentinin andiçmə mərasimində iştirak etmək üçün Tehrana gedən Azərbaycanın baş naziri Əli Əsədovu təkcə vitse-prezident Məhəmməd Rza Arif qəbul edib.
-
Bakı Ağır Cinayətlər Məhkəməsində jurnalistlərin məhkəmə proseslərinə buraxılması dayandırılıb.
-
Ermənistan və Türkiyə Axurik-Akyaka dəmir yolu sərhəd keçidinin bərpası imkalarını nəzərdən keçirəcəklər, Ermənistan Xarici İşlər Nazirliyi iki ölkənin xüsusi nümayəndələri Ruben Rubinyan və Sərdar Kılıçın sərhəddə görüşünün yekunları barədə bildirib, "Sputnik-Armeniya" məlumat yayıb.
-
Keçmiş diplomat Emin İbrahimov 7 gündür ki, 1 saylı Şüvəlan İstintaq Təcridxanasında aclıq edir. Bu barədə Turan-a vəkil Bəhruz Bayramov iyulun 30-da onunla görüşdən sonra bildirib. Vəkil qeyd edib ki, İbrahimov 16 məhbusun, o cümlədən residivistlərdən olduğu kameradan ayrı kameraya köçürülüb.
Rəy yaz