İlham Əliyev normal orduya sahib olmaq istəyirmi?
Yanvarın 15-də Nazirlər Kabinetinin iclasında prezident İlham Əliyev bildirib ki, “ayrı-ayrı ünsürlərin ordunu ləkələməsinə” yol verməyəcək. Dövlət başçısının məhz nəyi nəzərdə tutduğu aydın olmasa da, ictimaiyyət bunu əsgər ölümləri ilə bağlı etirazlara, nöqsanların araşdırılması və günahkarların cəzalandırılması barədə tələblərə prezidentin reaksiyası kimi qiymətləndirib.
“Belə təəssürat yaranır ki, prezident güclü, döyüş qabiliyyətli Silahlı Qüvvələrin yaradılmasında və ərazilərin işğaldan azad edilməsində maraqlı deyil. Orduda vəziyyətlə bağlı onun son qiymətləndirmələri belə düşünməyə əsas verir. Əgər o, ərazilərin azad edilməsini düşünsəydi, çoxsaylı neft gəlirləri yüksək peşəkar, yaxşı silahlanmış və dağ şəraitində döyüşməyi bacaran ordunun yaradılmasına sərf olunardı”,- Sülh və Demokratiya İnstitutunun rəhbəri Leyla Yunus İ.Əliyevin çıxışını şərh edərkən bildirib.
Təxminən 10 il hakimiyyətdə olan İlham Əliyev peşəkar ordunun yaradılması istiqamətində addım atmayıb. Əksinə, daim korrupsiyaya, nizamnamədənkənar münasibətlər və kriminalla bağlı şikayətlər eşidirik və görürük. Artıq Gürcüstan peşəkar orduya keçir, ölkələrin əksəriyyətində belə ordular yaradılıb və yaradılır. Azərbaycana isə sanki bu, lazım deyil”, - hüquq müdafiəçisi vurğulayıb.
Hərbi psixoloq Azad İsazadə hesab edir ki, ordunun ləkələnməsinin yolverilməzliyi barədə Ali Baş Komandanın fikirləri ilə razılaşmamaq olmaz. Lakin bundan ötrü vətəndaş cəmiyyəti və ölkənin siyasi rəhbərliyi orduda vəziyyəti nəzarətdə saxlamalıdır. Ordu ayrı-ayrı zabitlərə və generallara deyil, xalqa məxsusdur. Ordunun döyüş qabiliyyətinin artırılmasında ölkənin bütün vətənpərvər qüvvələri maraqlıdır. “Biz Qarabağ müharibəsi zamanı gücsüz ordunun siyasi oyunların qurbanına çevrilərək rayonları əldən verməsi faktları ilə üzləşmişik. Odur ki, heç bir halda buna bir daha yol vermək olmaz. Bundan ötrü cəmiyyətdə hərbçilərin statusunu artırmaq lazımdır ki, valideynlər öz övladlarını orduya rahat göndərə bilsinlər, ordu zabiti peşəsi isə ən şərəfli peşə olsun”, - o bildirib.-04V-
-
- Siyasət
- 17 Yanvar 2013 13:17
-
- İqtisadiyyat
- 17 Yanvar 2013 13:39
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz