İlham Əliyev pravoslav icmasını təbrik edib

Azərbaycanın dövlət başçısı İlham Əliyev Azərbaycanın pravoslav-xrisitan icmasını müqəddəs Milad bayaramı ilə bağlı təbrik edib.

Dövlət başçısı təbrikində Azərbaycanın dünyada tolerantlıq örnəyi, sivilizasiyalararası və mədəniyyətlərarası dialoq məkanı kimi tanındığını vurğulayır. “Fərqli mədəniyyətlərin təmsilçiləri olan ayrı-ayrı xalqlar və etnik icmalar ümumi Vətən sevgisi, Azərbaycançılıq məfkurəsi ətrafında sarsılmaz birlik və həmrəylik nümayiş etdiriblər”, - deyə İ.Əliyev qeyd edir.

O, cəmiyyətdə etnik-mədəni müxtəlifliyin qorunub saxlanılmasını, multikulturalizmin dəstəklənməsini və təşviqini müasir mərhələdə dövlət siyasətinin əsas məqsədlərindən biri adalandırır. Təbrikdə ölkədə yaşayan müxtəlif xalqlara milli-mənəvi, dini-mədəni dəyərlərini, adət-ənənələrini qoruyub saxlamaq, inkişaf etdirmək üçün demokratik şəraitin təmin edildiyi vurğulanır. “Cəmiyyətimizin ayrılmaz üzvləri olan xristian həmvətənlərimiz millətlərarası və dinlərarası münasibətlərə öz layiqli töhfələrini verərək ictimai-siyasi həyatın bütün sahələrində yaxından iştirak edirlər”, deyə İ.Əliyev icmanın fəaliyyətinə qiymət verir.

Son olaraq, dövlət başçısı bir daha icmanı bayram münasibətilə təbirk edərək xoşbəxtlik və bərəkət arzulayır. -05C-