İlham Əliyev Türkiyə və RF arasında münasibətlərin normallaşdırılmasında vasitəçilik etməyi təklif edib

Azərbaycan Türkiyə-Rusiya münasibətlərində gərginliyin azaldılması və aradan qaldırılması üzrə səy göstərməyə hazırdır. Bu barədə bu gün Azərbaycan prezidenti İlham Əliyev Türkiyə XİN rəhbəri Mövlud Çavuşoğlu ilə görüşdə bildirib.

Xüsusən, prezidentin saytında yer alan məlumata görə, söhbət zamanı Türkiyə və Rusiya münasibətlərində yaranmış gərginliyə toxunan Əliyev qeyd edib ki, Azərbaycanın hər iki ölkə ilə tarixən sıx əlaqələri var və bu gərginliklə əlaqədar təəssüf və narahatlıq hissi keçirir. O, Azərbaycan tərəfin Türkiyə-Rusiya münasibətlərində gərginliyin azaldılması və aradan qaldırılması üzrə səy göstərməyə hazır olduğunu vurğulayıb.

Çavuşoğlunun buna cavabı haqqında məlumat verilmir.

Ümumiyyətlə, dünəndən etibarən rəsmi Bakı nümayəndələri Türkiyə və Rusiya arasında münasibətlərin normallaşmasında vasitəçi kimi çıxış etməyə hazır olduqlarını təkrarlayır, amma hələlik nə Moskva, nə də Ankara buna heç bir reaksiya verməyib.

Əliyev və Çavuşoğlunun görüşündə Ermənistan-Azərbaycan Dağlıq Qarabağ münaqişəsinin tənzimlənməsi ilə bağlı məsələlər müzakirə olunub, Azərbaycan və Türkiyə arasında TANAP, TAP, Bakı-Tbilisi-Kars layihələrinin həyata keçirilməsi və s. haqqında fikir mübadiləsi aparılıb. -06D-