İlham Əliyevin ATƏT DTİHB-nin ikili standartları və müxalifətlə dialoq haqqında fikirləri

Bakı/11.03.20/Turan: 9 fevral növbədənkənar parlament seçkilərinin keçirilməsinin əsas səbəbi islahatları dərinləşdirmək cəhdi idi. Bu barədə martın 10-da yeni Parlamentin birinci iclasında çıxış edən dövlət başçısı İlham Əliyev bildirib.

Onun sözlərinə görə, seçkilər ədalətli keçirilib və xalq onun nəticələrindən razıdır, "seçkilərdən sonra müşahidə olunan hadisələr buna dəlalət edir",

Amma Azərbaycanda seçkilər prosesinə həmişə ikili standartlar prizmasından yanaşan və qeyri-obyektivliyi ilə fərqlənən ATƏT DTİHB hansısa nöqsanlar aşkar edərək, onları böyük hadisə kimi qələmə vermək istəyir. 4 dairədə nəticələrin ləğvi Azərbaycanın özünün nöqsanların olmamasında maraqlı olduğunu göstərir, deyə Əliyev bildirib.

Onun fikrincə, yeni parlament çoxpartiyalıdır və Milli Məclis siyasi sistemin təkmilləşdirilməsində böyük rol oynayacaq. "Partiyalar arasında geniş dialoq olmadan siyasi islahatlar mümkün deyil. Bir hakim partiya təkbaşına siyasi dialoq apara bilməz", deyə Əliyev qeyd edib. Eyni zamanda, o, Milli Şuranın və Xalq Cəbhəsinin seçkilərdə iştirakdan və hakimiyyətlə dialoqdan imtina etməsindən narazılığını bildirib. -02D-