Seçkiöncəsi kampaniya dövrü ərzində seçicilərlə görüşü inkar edən dövlət başçısı İlham Əliyev MSK sədri Məzahir Pənahov prezident seçkilərinin ilkin yekunlarına diar nəticələri açıqladıqdan sonra xalqa səsvermənin nəticələrinin qalibi kimi müraciət edib.
“Mənə etimad göstərərək yenidən prezident seçən doğma xalqıma minnətdaram. Azərbaycan xalqını əmin etmək istəyirəm ki, əvvəlki kimi yenə də xalqıma ləyaqətlə qulluq edəcək, Azərbaycanın dövlət maraqlarını müdafiə edəcəyəm”, - deyə İ.Əliyev oktyabrın 9-u gecə saatlarındakı müraciətində bildirib.
Daha sonra dövlət başçısı son 10 ildə onun rəhbərliyi altında Azərbaycanın qazandığı uğurlar haqda danışır.
“Mən olduqca şadam ki, son illərdə mənim bütün təşəbbüslərim reallığa dönüb. 10 il öncə, 2003-cü ildə xalqa mənə etimad göstərildiyi halqa Heydər Əliyev kursuna sadiq qalacağımı vəd etdim. Bu siyasətə sadiq qalaraq, son 10 il ərzində Azərbaycanda tərəqqi və inkişaf naminə böyük işlər görülüb. Müstəqilliyimiz geridönməz və əbədidir”, - deyə İ.Əliyev qeyd edir.
“İndiki seçkilərdə mənə göstərilən etimad bir tərəfdən görülən işlərə verilən qiymət, digər tərəfdən isə Azərbaycanın gələcək inkişafı ilə bağlı xalqın niyyət və tələbinin ifadəsidr. Biz gələcəyə böyük ümid və optimizmlə baxırıq”, deyə daha sonra İ.Əliyev bildirir. Daha sonra İ.Əliyev gələcək illər üçün siyasətinin açıq və aydın olduğunu iddia edir.
“Biz Azərbaycanda demokratiyanın inkişaf etməsi siyasətini əvvəlki kimi yenə də davam etdirəcəyik. Müasir dövlət quruculuğu prosesi yenə də davam edəcək”.
Qarşıdakı illərdə neqativ hallara, xüsusilə korrupsiya və rüşvətə qarşı mübarizə daha ciddi şəkildə davam edəcək”, deyə İ.Əliyev nəzərə çatdırır. Daha sonra sosial məsələlərin dövlətin diqqət mərkəzində olacağı qeyd edilir.
“Son 10 ildə sabitlik və ictimai qaydaların müdafiəsi bu reallıqların əsası olub. Azərbaycanda insanlar təhlükəsiz şəraitdə yaşayırlar və bu, bizi fərqləndirən xüsusiyyətlərdən biridir”, - deyə İ.Əliyev iddia edir.
Sonda İ.Əliyev xaqlın rifahı və dövlətin möhkəmlənməsi naminə bütün gücü ilə çalışacağını bildirir, nitqini “Yaşasın müstəqil Azərbaycan!” şüarı ilə başa vurur. -06D-
Siyasət
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
-
Narkotik maddə işi üzrə mühakimə olunmuş fəal İlhamiz Quliyev Umbakıdakı penitensiar kompleksdə saxlanma şəraitinin pis olmasından şikayət edib. Bu barədə Turan-a onun yaxınları bildiriblər.
-
Səkkiz dron Kazan şəhərinə hücum edərək sənaye müəssisəsini və yaşayış binalarını hədəfə aldı. Bu nadir hadisə Ukrayna ilə Rusiya arasındakı gərgin münaqişənin artmaqda olduğunu vurğulayır. Rəsmi məlumatlara görə, hələlik tələfat haqqında məlumat yoxdur.
Rəy yaz