İlham Əliyevin Serbiya baş naziri ilə görüşü

Bakıda səfərdə olan Serbiyanın baş naziri Aleksandr Vuçiç bu gün Azərbaycan prezidenti İlham Əliyev tərəfindən qəbul edilib.

Vuçiç Serbiyanın Azərbaycanla həm iqtisadi, həm də siyasi sahələrdə münasibətlərin genişləndirilməsində maraqlı olduğunu bildirib.

Tərəflər energetika, infrastruktur, investisiyalar, yük daşımaları, mədəniyyət, humanitar və s. sahələrdə əməkdaşlığın perspektivləri haqqında fikir mübadiləsi aparıblar.

Görüşdə həmçinin qeyd edilib ki, Qarabağ münaqişəsinin Azərbaycanın ərazi bütövlüyü çərçivəsində tənzimlənməsi üzrə hər iki ölkənin mövqeyi üst-üstə düşür.

Vuçiç həmçinin Azərbaycanın baş naziri Artur Rasizadə ilə danışıqlar aparıb.

Tərəflər Azərbaycan və Serbiya arasında münasibətlərin inkişafı üçün möhkəm müqavilə-hüquqi baza olduğunu qeyd ediblər.

İki ölkə arasında ticarət-iqtisadi əlaqələrin gələcək inkişafı məsələləri müzakirə olunub. -06D-