Azərbaycan və Tatarıstan iqtisadi əməkdaşlığı möhkəmləndirir
Prezident İlham Əliyev çərşənbə axşamı Tatarıstan prezidenti səlahiyyətlərini icra edən Rüstəm Minnixanovu qəbul edib.
Dövlət başçısının mətbuat xidmətinin məlumatına görə, Əliyev Azərbaycanın Rusiya Federasiyasının subyektləri və xüsusən Tatarıstanla əməkdaşlığının böyük əhəmiyyətini qeyd edib. Bu mənada Minnixanovun səfəri müxtəlif istiqamətlərdə - ticarət, investisiya, birgə layihələrin həyata keçirilməsi sahəsində bu münasibətləri daha da möhkəmləndirməyə imkan verəcək.
Öz növbəsində, Minnixanov bildirib ki, Tatarıstanın nümayəndə heyəti artıq Bakıda bir sıra görüşlər keçirib.
Daha sonra tərəflər maşınqayırma, neft maşınqayırması, avtomobil istehsalı, neft-kimya, informasiya texnologiyaları, turizm və s. sahələrdə əməkdaşlığın perspektivləri haqqında fikir mübadiləsi aparıblar.
Qeyd edək ki, bundan əvvəl Minnixanovu baş nazir Artur Rasizadə qəbul edib. Tatarıstan nümayəndə heyəti FHN, Müdafiə Nazirliyi, SOCAR, İqtisadi İnkişaf Nazirliyində olub.
Səfər çərçivəsində keçirilən biznes-forum zamanı konkret layihələr – Gəncədə “Kamaz” istehsalı, “Ansat” mülki helikopterlərin yığılması, neft-kimya sahəsində birgə istehsal məsələləri müzakirə olunub.
Eyni zamanda, Azərbaycana Tatarıstanda sənaye layihələrinə investisiya etmək təklif edilib. Qiymətləndirmə məqsədilə payızda Azərbaycan nümayəndə heyəti Tatarıstana səfər edəcək. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz