İlham Əmiraslanov aclığı dayandırıb
Avgustun 23-dən aclıq elan edən İlham Əmiraslanov aksiyanı dayandırıb. Bu barədə Turan-a Penitensiar Xidmətin ictimaiyyətlə əlaqələr şöbəsindən bildirilib. Kür” Vətəndaş Cəmiyyəti Qərargahının üzvü İ.Əmiraslanov Salyanın Xələc qəsəbəsindəki 5 saylı cəzaçəkmə müəssisəsində saxlanılır.
Mənbənin məlumatına görə, İ.Əmiraslanov kütləvi informasiya vasitələrinə yazılı müraciət edib. Müraciətdə deyilir: “Mən, məhkum İlham Əmiraslanov vəkilim vasitəsilə vaxtından əvvəl şərti azad olunmağım barədə rayon məhkəməsinə müraciət etmişdim. Məhkəmənin gec baş tutmasından narazı olaraq müəssisə rəisinə aclıq aksiyasına başladığım barədə ərizə ilə müraciət etdim. O, mənə məhkəmənin növbəti həftədə baş tutacağını bildirdi. Mən onunla razılaşdım.
Lakin ertəsi gün psixoloji durumumdakı gərginliklə əlaqədar yenidən aclıq aksiyasına başladım. Bəzi media vasitələrində və elektron şəbəkələrdə mənim sırf məhkəmənin gecikməsi ilə əlaqədar etdiyim aksiyaların çirkin siyasi məqsədlər üçün istifadə olunduğumu eşitdim. Qətiyyətlə bildirirəm ki, mənim aksiyam sırf psixoloji durumumla bağlıdır və heç bir siyasi motiv daşımır. Bununla əlaqədar avqustun 26-da saat 17:30-dan müəssisə rəisinə aksiyanı dayandırmaqla bağlı müraciət etdim.
Bildirirəm ki, mən heç bir siyasi oyunbazın əlində vasitə olmaq istəmirəm. Siyasi məhbus, vicdan məhbusu adlandırılmağımın qəti əleyhinəyəm. Eləcə də hörmətli cənab prezident İlham Əliyevin daxili və xarici siyasətini dəstəkləyirəm və qarşıdan gələn prezident seçkisində xalqımızın böyük əksəriyyətinin səsi ilə yenidən Azərbaycanın prezidenti seçilməsinə bütün varlığımla inanıram”.
Öz növbəsində “Kür” Vətəndaş Cəmiyyəti Qərargahının koordinatoru Oqtay Gülalıyev bildirib ki, İ.Əmiraslanovun belə məktub yazmasına inanmır. Onun sözlərinə görə, cümə günündən İ.Əmiraslanova ailəsi ilə görüşə icazə verilmir, onlarla əlaqəsi yoxdur. Onun fikrincə, İ.Əmiraslanova təzyiqlər edilir.
* İlham Əmiraslanov 2010-cu il daşqınlarından zərər çəkmiş vətəndaşların hüquqlarının müdafiəsi ilə bağlı prinsipial və ardıcıl mübarizə aparması ilə tanınır. 2012-ci ilin iyununda qanunsuz silah saxlamaq ittihamı ilə həbs edilib və işgəncələrə məruz qalıb.
Sentyabrın 13-də Sabirabad Rayon Məhkəməsi İ.Əmiraslanovu qanunsuz narkotik maddə saxlamaq ittihamı (CM-in 228.1-ci maddəsi) ilə 2 il azadlıqdan məhrum edib. 2013-cü il yanvarın 25-də Şirvan Apellyasiya Məhkəməsi bu qərarı qüvvədə saxlayıb.
Amnesty İnternational İlham Əmiraslanovu “vicdan məhbusu” kimi tanıyır. -16D-
-
- İqtisadiyyat
- 27 Avqust 2013 14:52
-
- İqtisadiyyat
- 27 Avqust 2013 15:39
Siyasət
-
Azərbaycanın Xarici İşlər Naziri Ceyhun Bayramov şənbə günü BMT Baş Assambleyasının illik sessiyasında çıxış edərək Ermənistanla “qismən sülh”ün mümkün olmadığını bəyan edib. Bu açıqlama İrəvanın həftənin əvvəlində daha nikbin mövqe sərgiləməsindən sonra səsləndirilib. Bayramovun sözləri iki ölkə arasındakı mövqelərin kəskin fərqliliyini ön plana çıxararaq, hərtərəfli sülh müqaviləsinin yekunlaşdırılması üçün qarşıda duran əhəmiyyətli maneələri vurğuladı.
-
107 gündür həbsdə aclıq edən iqtisadçı Fazil Qasımova aksiyanı dayandırması üçün təzyiq edilir. Bu barədə Qasımovun yaxınları bildiriblər.
-
Qarabağdan bütün erməni əhalisinin təşkil olunmuş köçündən bir il sonra, bölgənin keçmiş erməni sakinlərinin yalnız 2,6%-i Ermənistan vətəndaşlığını əldə edib. Ermənistanın Miqrasiya Xidmətinin məlumatına görə, təxminən 120 min məcburi köçkün arasından yalnız 3 226 nəfər Ermənistan pasportu alıb.
-
Azərbaycan və Səudiyyə Ərəbistanı arasında diplomatik və xidməti pasportlara malik olan və qısamüddətli səfər edən şəxslərin qarşılıqlı giriş vizasından azad edilməsi haqqında anlaşma memorandumu imzalanıb.
Rəy yaz